د. أمير فهمى زخارى
- ما أصل عاده فطار كوبايه الشاي مع باكو البسكوت؟
- هل كوبايه الشاي مع باكو البسكوت يعتبر أسوء فطار؟ وا السبب؟
دة موضعنا اليوم
* نيجى للجزء الأول وهو" أصل عاده فطار كوبايه الشاي مع باكو البسكوت"..
في ناس مزاجها تسقي البسكوت في كوباية الشاي والحقيقة ان دي عادة ملكية ..
حيث ان الدوقة السابعة لبيدفورد" آنا ماريا " كانت تشعر بالجوع ففكرت في حل لسد جوعها وبحثت عن شيء تتناوله مع فنجان الشاي اليومي واستعانت بقطع من الكيك والبسكويت بجانب الشاي لإشباعها ...
وأصبح بعدها أكل البسكوت جمب الشاي عادة توارثها الأجيال على مدار السنين...
* نيجى للجزء الثانى وهو " هل كوبايه الشاي مع باكو البسكوت يعتبر أسوء فطار؟ والسبب؟"
أسوأ فطار ممكن تفطروه هو " كوبايه الشاي مع باكو البسكوت"
عارفين ليه , أنا أقولكم:
للاسف ده غالبا بيكون فطارنا واحنا مستعجلين قبل نزول الشغل ولا الجامعه او المدرسة ، اصل الفطار المليان سكر بسيط سهل الهضم والامتصاص ( زي البسكوت او الكيك …) او الفطار المليان دقيق ابيض حيتحول لسكر بسيط سهل الهضم والامتصاص ( زي العيش الفينو والعيش الأبيض والتوست الأبيض …)، الفطار ده بيخلي سكر الدم يعلي بسرعة فالبنكرياس يقوم بدوره و يطلع جرعه كبيره بسرعه من الانسولين عشان يحاول يسيطر علي السكر اللي أرتفع فجاة ... بس للأسف لو حضرتك دايما بتفطر كده ، ده ممكن يسبب لك ٣ مشاكل:
1- تخزين الدهون و طبعا خد عندك بأه زياده وزن و سمنه.
2- ارهاق للبنكرياس، ما انت كل يوم بتصبح عليه بشغل كتير .
3- بعد شوية من الفطار ده ، مستوي السكر في الدم بيقل تاني ،نتيجة جرعه الانسولين الكبيره اللي طلعت بسرعة ، وتلاقي نفسك بعد ساعه ولا ساعتين جعت تاني ، وبالتحديد عايز حاجة مليانه نشويات او سكر تاني وهكذا طول اليوم .
نصيحه بلاش فطار الشاي ساده أو الشاى باللبن أو النسكافيه مع الكيك او البسكوت ...
طيب ناكل إيه فى الفطار ... الاجابه فى الجزء الثانى
تحياتى.
