ديڤيد ويصا

من فترة مش بعيدة كنت شارِكت بإني هكتِب كتاب ..

عن الطلاق، بحسب تعاليم الكتاب المُقدّس ..
وطلبت منكوا تشاركوني بأسئلتكوا ..
وعشان كده عاوز اشارك بحاجتين!
أولًا ..
أنا خلَّصت الكتاب ..
وحاليًا في المرحلة الأخيرة للمراجعة اللاهوتيّة ..
وهكون بشارك بأخبار الكتاب الوقت الجاي ..
قبل ما يبتدي يكون متاح في المكتبات!
ثانيًا ..
عاوز اشكر كل اللي شاركوني بأسئلتهم ..
وبالأكتر اللي شاركوني بقصصهم وخبراتهم المؤلمة ..
لأنها فعلًا كانت سبب أساسي في غنى الكتاب ..
وفي استنارة شخصيّة ليّ ناحية الله وكلمته الغنيّة والعمليّة!
--
كل اللي بتمنّاه للكتاب ..
إنه يكون سبب مُصالحة لكل المجروحين من الله ..
لأنهم فاكرين ان الكتاب المُقدّس سجَنهم في جوازة غلط ..
مع ان الكتاب المُقدّس معمَلش كده خالص ..
بل بالعكس تمامًا زي ما شرَحت في الكتاب اللي كتبته!
وانه يكون دعوة للكنيسة لتغيير سياستها وطريقتها ..
في التّعامُل مع موضوع الطلاق والمُطلَّقين ..
عشان تكون طريقة تتفق مع تعاليم الكتاب المقدّس ..
واهتمام الله الشديد بالطرف الضعيف المظلوم ..
سواء في العهد القديم أو الجديد!