محافظه المنيا2

تكلمت في مقال سابق عن محافظه المنيا من حيث الموقع وتاريخ اسمها ومراكزها وبعض مشاهيرها ... 

وفى المقال التالى سأتكلم عن:

 أشهر أكلات المنياويه.

اللهجة المنياويه.

 

 

تأتي في مقدمة القائمة “الكشك”، وهو مكون من القمح واللبن وكمية من الملح، إذ يقوم الأهالي عقب حصد محصول القمح، بتجميعه وفصله عن سنابله، ثم الغسيل الجيد لحبات القمح، ووضعها على النيران لساعات طويلة، ثم تصفيته من المياه، وخلط حبات القمح باللبن، وكميات من الملح، ثم تشكيله على شكل كور صغيرة الحجم ووضعها أعلى أسطح المنازل لمدة أسبوع ثم جمعه وتناوله في أشكال معينة منها المطبوخ، ومنها المقلي بالسمنة.

 

البتاو في المنيا مايختلفش كتير عن أي بتاو مصري تاني في أي حته.. اختلافات بسيطة لكنها بتفرق كتير في الطعم والشكل.. ومن أول قطمة تعرف طعمه اللي يفرق عن طعم البتاو الفيومي أو الأقصري والسيناوي والبحري.

 

البتاو مراحل عمله بالنسبة للفلاحين عندنا طويلة جدا.. لأنه هو اللي بيزرع ويقلع ويحصد ويطحن كل محتوياته بنفسه..

لكن نبتدئ بمرحلة الدقيق.. البتاو بيتعمل بمقدار كل 4 اتلات دقيق شامي يضاف لهم تلت واحد دقيق قمح (جمع تلت وهو معيار الغلة) ويضاف ليهم الميه والملح والحياقة (اللي هي الحلبة) ويتعجن ويخبز مباشرة.. وطبعا ماينفعش البتاو يتعمل على أفران بوتاجاز.. مؤكد التدخل في تفاصيل صناعته المعروفة من آلاف السنين وعمله بالطرق الحديثة ها يفسد كتير من سر صنعته. لذلك الفرن البلدي و"البسوال" اللي هي الجِلة اللي بتستخدم كوقود هو الأنسب لأكل بتاو.

 

أشهر المأكولات التي تشتهر بها المنيا، وتحديدا داخل مركز ملوي جنوب المحافظة، والذي يُعد أكبر المراكز المصدرة للعسل الأسود لمراكز المحافظة ومحافظات الجمهورية.

 

«عسل يا جلاّب» هكذا ينادي البائع على بضاعته المميزة في الأسواق والشوارع في محافظات الصعيد، أقماع من الحلوي الجافة لونها ذهبي، يأخذك مذاقها الناعم بسرعة إلى نكهة ورائحة العسل الأسود المستخرج من قصب السكر.

 

• اتخرعت = اتخضيت

• نقرة = حفرة

• مقلحف = معفن

• انت ياوه = إسلوب نداء للأولاد

• انتي يابه = اسلوب نداء للبنات

• حنش = تعبان

• يسّحَم = يستحمي

• اللانضة= اللمبة

• يلٍد عليك كه = عاجبك كدا

• الشفشف = دورق المية

• الدوقش = البلح الاخضر الصغير

• تلاكس = كلاكس

• قزقة = عمود نور

• لع = لأ

• عاد او عه = اسلوب استنكار .. جرى ايه عاد !!!!

• زواقة = قطعه زجاج

• بعذن = كأن

• جَعلت = تعتقد يعني

• واه = إسلوب إستغراب وتعجب

• إمشي كه = إمشي كدا

• سجرة = شجرة

• إتر ساجع = لتر بيبسي

• جنزورة = عصفورة

• علي ويلا = كتير

• تعااماقولك = تعالي أقولك

• أوعي تدق في حد = أوعي تتخانق في حد

• ابوه قتله = يعنى ابوه ضربه

• الويد = ولد

• زنقور = ركن

• البح = النيل

• مطهبج = سخن

• حياقة = حلبة

• هلوس = عنكبوت

• موحوح = مولع

• وقة عيش = 5 ارغفة

• الوخت = دلوقتي

• فروجة = فرخة

• بحة = بطة

• قنديل = كوز درة

• شامي = درة

• بعض سواعي = أحيانا

• عاساس = علي أساس

• اتزغفت = اتخضيت

• لاه كه طي = ليه كدا طيب!

• هناكهيتي = هناك

• بيسُط = بيتصرمح في الشوارع

• زاط فيا = زعقلي

• ظعط مراتو = طرد مراته

• خرعتني = خوفتني

• بورتكان = برتقال

• يوسافندي = يوسفى

• عشية = إمبارح

• عشطان = عطشان

• نادمت عليه = ندهتله

• نشو = فرع أخضر

• ميتا = إمتي

• وه = كلمه بتعبرعن التعجب والاستنكار وهى أصلا كلمه " What " .

• والى عارف حاجة يقولها لى .

صديقه اضافت السطل = الجردل .

صديق اضاف عجور = أته .

ده جزء من المعلومات الخاصة بالمنيا ... تحياتى ...