أنا في الشِّدَّة جنبي صديق
عُمري ما فكَّر يوم ينساني
وَسْط النَّار بيطفي حريق
وألقاه جاي عارف عنواني
شوف كام مرَّة كُنت غريق
لما بريق الدُّنيا أغواني
شافني بأعاني وقت الضيق
قال: "تَعالَ ارجع من تاني"
قال: "دلوقتي مستنِّيك
يا بُني تَعالَ بين أحضاني
قبل ما تنده عيني عليك
مش راح ياخُد حدّ مكاني"
بلقاك جاي أنا بَحري عليك
عمري ما سايبك ولو لثواني
وأنا علشانك شُفت الضيق
لما جُرِحت في قلبي الحاني
أنا لفدَاك صنعت طريق
كان الصليب بيستنَّاني
ارجع يا بُني وعيش في حقيقة
مين هتلاقي يُحبَّك تاني؟
حَنَّ عليا وشاف لي طريقة
أنا مديون، دا الهي فَداني
أنقذ نفسي وكنت في ضيقة
راجع عندي سلام وأغاني
✍️ ممدوح الدِّيري ✍️
