اخلع يلا حذاءك حالًا، دي الأرض بتِنباس
فيها مغارة وسكن فيها، ودي قدس الأقداس
وبخور فيها وريحة جميلة، متقبّلش الأنجاس
حاسب حاسب لما تقرّب، دي تُرابها كالماس
مريم جاية وطفل معاها، وميزانه حساس
تكرم، هي البكر، فتاها، ده مُخلِّص للناس
يوسف قاعد يستناها، وهيرودس محتاس
مرّ العمر وعدّى عليها، وكنيسة بأجراس
جبل الطير بالنعمة ماليها، والصخرة دي أساس
تعمل خير، دايمًا تلاقيها، تدي بكل حماس
أوعى ترفع عرفك فيها، على وشّك تنقاس
تقع لما تفسد فيها، دا الكرم حساس
فوق الجبل، عالية كنيستك، وجيالها الناس
حقيقي، كل مطالب ليهم، في قدس الأقداس
✍️ ممدوح الديري ✍️
