✍️ممدوح الديري✍️
أخلاق للبيع أيوه أنا شاري
راح أجيبها وأوزعها إجباري
خايف من صاحبي ومن جاري
واهي دنيا والشرّ غالبها
خلّيني أراجع أفكاري
ده العاقل يا زمان يتداري
وده مهما نخبّي ونداري
دي ضمائر الناس ظاهرة عيوبها
موتورة الخلق ومجنونة
مش عاقلة يا ناس مش موزونة
ويارب تدّينا معونة
تعبتنا الدنيا وألاعيبها
فين الإيمان؟ مبقاش ظاهر
أهي عايشة الخلق بمظاهر
والصعب أهو عالي عن الطاهر
وخلاص بتغيّر ترتيبها
عمالة تحرّم وتحلّل
وكمان بالسماء تتعلّل
ده إلهك عادل ومجلّل
وحسابنا ده عنده في آخرتها
ليه نقتل بعض ونتجبر؟
مافي مرة نطيب ونجبر
ونسامح، والرب بيستر
أخلاق الناس مين يحاسبها؟
أنا عارف إنك مواعدني
في أتعاب ومشاكل تسندني
بس إنت وعدت تنجدني
وتشيل أحمال وترتبها
✍️ممدوح الديري✍️
