✍️ ممدوح الديري ✍️
يا أم المعظم فوق الجبل العالي
اظهري يا مريم، نوري الليالي
سهراتك جميلة، بنجيلها طوالي
دي مافيش مثيلها، وصيامك ده غالي
بتروح الكنيسة نحضر قداسات
في مغارتك نتبارك ونولّع شمعات
في النهضة المسائية يا جمال العظات
وبرّه الكنيسة بنرنم ليالي
صفاتك جميلة يا أمي يا عدرا
محبة، وداعة، وعايشة في طاعة
ولكِ شفاعة، وجاية من الناصرة
وفي كل ساعة ننادي لك: تعالي
بنصوم زي الآباء الرسل الأمناء
شافوا في السماء صعودك يا عدرا
في مجد وبهاء يا نقية يا طاهرة
أخذك يسوع معاه وملايكة للعالي
بارك يا رب كنيستك بشفاعة القديسة
وعلى شعبك جود بالخير، وأيام مهياش تعيسة
والعدرا جبل الطير دايمًا عامرة الكنيسة
ونشوفك يا عدرا فوق القباب بتلالي
✍️ ممدوح الديري ✍️
