د. أمير فهمى زخاري
موضوع ورم الرجلين ده بقي عرض شائع جدا ودايما
هتلاقي الناس بتقول إنه بسبب الكبد، أو الكلى، أو القلب
بس في ناس كتير بتروح تفحصهم تلاقيهم كويسين والورم برضه موجود والحقيقه ان في سبب تاني شائع جدًا
ومنتشر عند ناس كتير جدا‼️
🟥 وانا هقولك تتخلص منه ازاي ، من غير ما تاخد مدرات بول ليها اثار جانبيه ❌( لو عايز العلاج علطول هتلاقيه في الأخر و لو عايز تفهم التفاصيل اقرا البوست كله )👌🏼👌🏼
بص يا سيدي
كل خلية في جسمك فيها مضخات دقيقة جدًا بتدخل وتخرج السوائل
عشان تحافظ علي التوازن في السوائل بره وجوه الخلايا
اسمها: "مضخة الصوديوم والبوتاسيوم".
لو حصل فيها خلل الميه هتطلع بره الخليه وتعمل ورم
وده اسمه "احتباس سوائل بين الخلايا" أو Interstitial Fluid Retention.
الخلل بقي ده غالبا بسبب إن السكر في دمك عالي معلش ركز في اللي جاي ..
السكر ده بيرتبط ببروتين اسمه "الهيموغلوبين" موجود في كرات الدم🧐🧐
لما السكر يثبت في البروتين، العملية دي اسمها Glycation أو "تَسكُر"
وده اللي بيقيسه تحليل اسمه HbA1c، وده بيديك متوسط السكر الملتصق بالبروتين خلال ٣ شهور (لأن عمر كرات الدم تقريبًا ٣ شهور)
ولما السكر ده يفضل ماسك في البروتين فتره طويله وبكميه كبيره ، بيبوظ وظيفة كرات الدم
فمش بتقدر تنقل الأكسجين أو الغذاء، وبيبقى فيه ضعف في الدورة الدموية،
وساعتها الدم ما بيوصلش للجزء السفلي من الجسم،
وبتبدأ السوائل تتجمع هناك
( وده سبب الاعراض اللي بتحصل كلها لمرضي السكر )
ده غير إن السكر كمان بيبوّظ جدران الشرايين من جوه، وبيخليها "تسرّب"، يعني السائل اللي المفروض يبقى جوه الأوعية الدموية، بيهرب منها.
كمان السكر بيخلي الجسم يحتفظ بالصوديوم،وكل الحاجات دي بتعمل خلل في المضخات ‼️
الوقت، ده بيأثر على الأعصاب اللي تحت القدم، وبتبدأ تحس بتنميل أو حرقان أو شكشكة... وده اللي بيسموه "التهاب الأعصاب الطرفية" أو "Peripheral Neuropathy".
ولو ركزت، هتلاحظ إن مرضى السكر عندهم الموضوع ده،
بس الغريب إن ناس كتير مش مرضى سكر ولا حتى مرحلة ما قبل السكر، وبرضه عندهم احتباس سوائل
طيب فين ام الحل بقي ؟
فيتامين مهم جدًا + معدنين لازم تهتم تدخلهم في أكلك.
أولا
البوتاسيوم( بتاع المضخة)
وده مش سهل تجيبه من الأكل، لأنك محتاج حوالي 4700 ملجم يوميًا
( مثلًا، الموزة فيها حوالي 300 ملجم بوتاسيوم. فتخيل عشان توصل لـ4700، 😐هتحتاج تاكل حوالي 15 ونص موزة! وده طبعًا صعب جدًا، وكمان هيزودلك السكر.
فالأفضل من كده، تاكل حاجات زي:
السلطات وخضروات
ورق البنجر
فواكه زي التوت والفراوله
ثانيا
الماغنيسيوم، وده مرتبط بإنتاج الطاقة (ATP) في الجسم. (نقصه بيخليك تحس بتقل أو تقلصات، وطاقة قليلة...وده بيطلع الطاقه اللي بتشغل المضخه)
تقدر تجيبه من:
بذور اليقطين (اللب الأبيض)
بذور دوار الشمر
الخضراوات الورقية زي السبانخ
ولو مش قادر تجيبه من الاكل ممكن كمكمل
كل ده هيصلّحلك المضخة اللي في خلاياك
ثالثا
فيتامين B1..وده بقي كلمه سر مهمه جدا
لما الجسم بيحاول يحوّل السكر لطاقة، بيحتاج B1 علشان يكمل العملية دي.
لو مفيش B1، الجسم مش هيعرف يستخدم السكر، والسكر هيفضل يعوم في الدم ويلزق في البروتينات ويحصل كل اللي حكينا عنه من نقص طاقه ودوره دمويه وورم
أكتر سبب بيخلي الناس تعاني من نقص B1 هو أكل النشويات والسكر بشكل مفرط. فالجسم بيضطر يسحب الـB1 من أجهزته وأعضائه علشان يواجه سُمّية السكر،
وبعد فترة بتبدأ تحصل أعراض النقص زي تنميل، وحرقان، ووجع في القدمين، ونقص في الطاقة، وضعف في الأعصاب.
الفيتامين ده مهم جدًا لأنه بيمنع الجلايكيشن (السكر يلتصق بالبروتين). يعني بيساعد يحافظ على كفاءة كرات الدم، والدورة الدموية.‼️
وهنا هناخد فيتامين ب-١ من الخميره الغذائية مع تقليل النشويات والسكريات اللي بتستهلك الفيتامين ده
اذن الخلاصه
علشان تتخلص من تورم القدمين والكعبين والرجلين، محتاج:
تقلل/تمنع السكر والنشويات
تزود البوتاسيوم
تزود الماغنيسيوم
تاخد فيتامين B1
