ماريو أيمن
قالوا اني فيا منها
فيا منها بس ايه؟
ده اللي فيها مش ف غيرها
مهما فتشتوا عليه
هي اصلاً احلي مني
احلي من كل الجموع
أمي لما تشوف سلامها
تفتكر حالاً يسوع
خير و ماشي بدون مقابل
يدي حُب بدون شروط
زي أمي مش هقابل
مهما فتشت الوجود
فيها راحة جوا صوتها
و ف ألمها تفوح عبير
دي الملايكة بتحاوطها
و الفرق بينهم مش كبير
هي جنة جوا دنيا
هي دنيا و فيها ساكن
هي عندي ف حتة تانية
هي وقتي و الأماكن
قالوا اني فيا منها
فيا منها بس ايه
فيا يعني ضحكة تخطف؟
فيا طيبة بدون حدود؟
هي احلي و هي ألطف
حلوة من غير الجهود
يعني اوعي تقولّي تاني
اني ممكن اكون شبهها
امي رمز للتفاني
كله يتعلم جمالها
ماريو ايمن
