الريم أو الرغوة اللي بتظهر على وش الشوربة لما بنسلق اللحمة أوالفراخ

يعني ساعات بنجيب لحمة، سواء كانت لحمة كبيرة في السن زي الكندوز، أو لحمة صغيرة زي البتلو، بقري أو جاموسي، أوفراخ ولما نيجي نسلقها ونحطها في الميّه، نلاقيها عملت ريم أو رغوة على الوش ..

 

ناس كتير بتخاف وتفكر إن ده معناه إن اللحمة أوالفراخ فاسدة، أو إنها لحمة مش طبيعية زي لحوم حمير – لا سمح الله – أو لحوم من فصيلة تانية غير الفصيلة البقرية...

 

أول حاجة، لازم تبقى عارف إن سبب الرغوة أو الريم اللي بيطلع على وش الشوربة، هو إن في بروتينات في نسيج اللحمة نفسها، اللحمة دي في الأساس عبارة عن عضلات، والعضلات دي فيها بروتين حيواني.

 

البروتين ده لما يخرج من جوه أنسجة اللحمة بسبب السلق، بيطفو على سطح الميّه، وده اللي بيكوّن الريم أو الرغوة.

 

لا طبعًا. وجود الريم أو الرغوة لوحده مش دليل على فساد اللحمة. لكن ممكن يكون فيه خطأ في طريقة الطهي، هو اللي خلّى البروتين ده يخرج بشكل كبير ويعمل الريم ده.

 

لو اللحمة مجمدة، وسبناها تفك برا التلاجة لفترة طويلة، ده بيأثر على النسيج بتاعها، وبيخلي البروتين يخرج منها بسهولة أثناء السلق. ولما البروتين يخرج، بيعمل الرغوة دي.

 

الميّه الباردة بتخلي الحرارة ترتفع جوه اللحمة بشكل تدريجي، وده بيسمح للبروتين يخرج برضو على راحته، ويعمل رغوة أكتر.

نحل المشكلة دي إزاي بقاااا؟

 

 خليكى ذكيه، سيبها تفك جوه التلاجة أو ساعدها تفك شوية في الميكروويف، بس من غير ما تبقى طرية خالص. الهدف إننا نقدر نفك القطع من بعض ونسلقها وهي لسه محافظة على نسيجها.

 

، لما تيجي تسلقى اللحمة، لازم تحطيها في ميّه بتغلي. يعني الميّه تكون سخنة جدًا، مش ساقعة، عشان النسيج الخارجي للحمة يقفل بسرعة وما يطلعش البروتين برّه.

 

كمان، لو اللحمة فريش (سواء بتلو أو كندوز)، يفضّل تشوّحها الأول في شوية مادة دهنية – يعني تدّيها صدمة كده – عشان تقفل النسيج الخارجي وتحافظ على البروتين والعصارة جواها، وبعد كده سلّقها براحتك.

 

لو الريم طلع وسِبتَه، ممكن يأثر على اللحمة من ناحية التخزين يعني:

- لو حطيتها في التلاجة، ممكن تفسد بسرعة.

- ولو سِبتها برا التلاجة، هتبوظ أسرع كمان.

- ده غير إن الريم ممكن يعمل عكارة في الشوربة، ودي حاجة ناس كتير بتقرف منها أو ما بتحبش شكل الشوربة لما تبقى مش صافية.

بس خلي بالك، كل ده مالوش علاقة بسلامة اللحمة من الناحية الصحية. يعني حتى لو اللحمة عملت ريم أو رغوة، مش معناه إنك لما تاكليها أو تشرب الشوربة هيحصلك حاجة. مفيش أي ضرر صحي خالص، المهم بس تشيلى الريم ده بمعلقة وتكمّل طبخك عادي.

اتمني يكون الموضوع وضح