✍️ ممدوح الديري ✍️
مَهزوم؟! مالُداخل... مش برّه!
اِسمعني، هاقولك ميت مرّة
نقّي الصَحفة، خفّ الجرّة
مَرَّرت الرّوح... والرّوح حرّة
بتحارب، وإنت اللي كاسرها
وبِشَرك... عايز تأثّرها
هتجرّب وِيلها ومآثرها
وتعيد وتزيد نَفْس الكاره
أفكارك؟! يا نيّ من أفكارك
نقّيها، وانفُض في غُبارك
خايف لتفوح كده أسرارك
وتلاقي حياتك مش حرّة
أيّامك بقت معدودة
خليك أبيض، نقّي السُودَة
ده شراع المركب مَفرْوَدة
والتايب راجع من حُفرة
هتلاقي يضمد في جراحك
هتعافر، وتلاقي نجاحك
ارجع له، وسلّمه مفتاحك
وسامحني يا رب آخر مرة
يقبلني أكون وسط قُطعَة
مش أخالف دايمًا، وهاطيعه
بطّلت البيع... أنا مش البيعة
حرّرني يا رب، الرّوح مُرّه
✍️ ممدوح الديري ✍️
