كيف أخاصم أخويا؟
وأطلب غفران، والكبر ماليني، ومنه زعلان!
زعلان على إيه؟! هتسيبها يا بيه؟
وهتاخد إيه غير الأحزان؟
أحزان بتوجع، بقي ليها موضع
وبقيت مستودع للشر كمان!
وكمان بتعاني، وضحية وجاني،
خليك حقاني وارجع إنسان
إنسان بقلبك، وتحب ربك
وتخلي ردك حلو اللسان
ده لسان متسلّط، دايمًا بيغلط
وكل غلطة تصبح مدان
مدان على إيه؟! ارجع تلاقيه
قرب إليه، وافتح أحضان
احضن أخوك، يفرح أبوك
واللي يحبوك... وإنت كمان
✍️ ممدوح الديري ✍️
