️ممدوح الديري
قَوَّمْني معاه، أنا من تاني..................
حرَّرني وبدَّد أحزاني،
مَبقاش للموت حُكم عليَّا،
شُكرًا ليسوع اللي فداني..................
قَوَّمْني وكنت أنا في الغُربة،.............
بَقاسي وراجع للتُّرْبة،
دقّ المسامير، دمّ الحَربة،
جدَّدني وراجع من تاني....................
قَوَّمْني يسوع وغفر ليَّا،....................
مَبقِتش سعادة وقتيَّة،
بِالتوبة نِسي كلّ خطيَّة،
وغفرها وأعتق إنساني......................
قَوَّمْني حبيبي وجدَّدني،..................
بالنِّعمة والرّوح تسندني،
وده جَه خلاصي وعضَّدني،
وخلاص الحُزن هينساني.................
قَوَّمْني وشبَعني بحنيَّة،....................
ضَمَّدلي جراحي المنسيَّة،
والرّوح اللي كانت محنيَّة،
رَدّني لسماه كده من تاني.................
قَوَّمْني، خلاص أنا مش خايف،........
سُلطان الموت سُلطان زائف،
وبقيلنا عبور للأبديَّة،
جايّلك يا يسوع، استنّاني.................
✍️ممدوح الديري✍️
