وقالت "مواهب" فى مقطع فيديو ، موجهة حديثها لأطفال في مدرسة انترناشونال، إن ارتداء الهوت شورت فى المنزل عورة وبأخد سيئات حتى لو أمام الأم.
 
وقال خالد منتصر عبر حسابه الرسمي علي فيس بوك: 
حتى مدارس الانترناشونال اللي مصاريفها مليون جنيه، دمرتها السلفية، وخربوها سماسرة الدين .
 
مدرسة بتدرس للاطفال اللي لسه في سن البراءة، وتعلمهم ان لبس الشورت قدام ماما خطية، وان الطفلة حتشيل سيئات!  وان ربنا بيراقب مقاس الشورت للبنت اللي لسه بالبامبرز بالمازوره  ! 
 
ايه مجتمع البيدوفيليا المكبوت السيكو اللي احنا عايشين فيه ده ؟! 
مجتمع خايفين على بناتنا فيه من هياج الأمهات الجنسي !
 
وطبعاً لازم تنطق الهوت شووورت والبيچاااامااا، من عند اللوز والبلعوم عشان تحلل القرشين !
ده احنا كده بنخلي العيال اللي لسه في أولى ابتدائي يركزوا ف السكس مش ف التعليم !
 
هيا كل الناس كده الفقير والغني فيها جتلهم شوطة السلفية وخدتنا ف الوبا بالشكل ده ؟
هل هناك ما تحت القاع أكثر من هذا الهطل؟! 
 
احنا بصراحه عدينا البراميل في حالة الشيزوفرينيا المجتمعية اللي بنعيشها .
بس عاجبني قوي الأداء التمثيلي المتمكن من المدرسة ..
بالنسبة لي سربرايز