صباح المحبة مع ثامن شخصية من شخصيات نستها السطور
كتبت: رضوى النبراوي
( الراجل اللي كان معاه فلوس وإداها للي معهوش فلوس)
دة مقولة صاحب شخصيتنا النهاردة الشيخ ( عبدالرحيم باشا الدمرداش) 🤗🤗
الشيخ عبدالرحيم كان مقيم في قصره في منطقة الريدانية في شارع الملكة نازلي ( حاليا منطقة العباسية شارع رمسيس) و يمتلك أرض شاسعة حوالي ١٥ الف فدان أمام قصره 🤗
في يوم سنة ١٩٢٨ ذهب لمقابلة محمد محمود باشا رئيس الوزراء و قاله عاوز أبني مستشفى كبيرة و هتكفل بتمنها و الأرض كمان اللي تتبني عليها بس بشرط تكون خيري لكل الناس مجانا بدون تفرقة منهم 👌 و الطلب التاني انه يُدفن بها 🤗
و قد كان وافق رئيس الوزراء على طلب الشيخ عبدالرحيم و اتبنت أكبر و أهم مستشفيات مصر ( مستشفى الدمرداش)
اتبرع الشيخ عبدالرحيم هو و زوجته و ابنته بما يعادل في يومنا هذا مليار جنيه من ارض و تكلفة و تجهيزات لإنشاء المستشفى الخيري و اللي خدمت ملايين المصريين من انشائها حتى الآن
🤗
و الشيخ عبدالرحيم هو صاحب فكرة القسم الاقتصادي اللي فيه يتعالج المرضى المتيسرين ماليا بمبلغ رمزي و منه يتصرف على القسم الخيري المجاني 👏👌👌
إتوفى الشيخ عبدالرحيم قبل افتتاح المستشفى الخيري و تم دفنه بها و عند الافتتاح وضع تمثال نصفي له أمام الباب الرئيسي لها 🤗 و كل اللي يدخلها يدعيله بالرحمه 🤗
و تم إنشاء ثالث كلية طب على مستوى الجمهورية عام ١٩٥٠ داخل المستشفى و هي كلية طب جامعة عين شمس 🤗
رحمة الله الشيخ عبدالرحيم صاحب اهم و اكبر مستشفيات مصر
#رضوى_النبراوي
