محرر الأقباط متحدون
نشر القس أنطونيوس مجدي زكي، تفاصيل اختفاء الفتاة القبطية سالي نسيم، بعد سفرها من أسوان للقاهرة، وتداول صور مزورة لبطاقة الرقم القومي وإشهار إسلامها.
وكتب القس أنطونيوس عبر حسابه علي فيس بوك:
سالي نسيم ضحيه جديدة ، كلام كتير واشاعات اكتر، هنا هتلاقوا الحقيقة.. سالي سافرت وهي مسيحيه واتقلب حالها في القاهرة".
سالي حضرت القداس واتناولت يوم ١٩ / ٥ / ٢٠٢٣ وسافرت القاهره يوم ٢٠ / ٥ / ٢٠٢٣ يعني قبل سفرها بيوم كانت في الكنيسه ومارست أعظم أسرارها وطقوسها.
سالي سافرت القاهره بدون اغلب أغراضها ومتعلقاتها سافرت بشنطة سفر عاديه فيها احتياجات شهر فقط لا غير ودي المده اللي كانت هتقعدها في القاهرة.
سالي مارجعتش اسوان بعد سفرها يوم ٢٠ / ٥ علشان تعمل بطاقة بديانتها الجديدة ..يعني البطاقة اللي انتشرت صورتها دي مزوره وفي دليل جوه البطاقه نفسها ..الصوره اللي موجوده في البطاقه واضح جدا انها فوتوشوب وده سهل علي اي حد يعرفه طلع بطاقتك وقارن الصوره بتاعتك اللي في البطاقه بالصوره اللي في البطاقه المنشوره ليها ..هتلاقي الفرق واضح جدا .
سالي ماعملتش إشهار وده معناه ان ورقة الاشهار دي كمان مزوره وده سهل نعرفه لان الورقه المنشوره من غير توقيع وده معناه انها اتكتبت في غير وجودها .
هتلاقوا في الصور اخر بوستات منشوره علي صفحة سالي الشخصيه بوستات عن الكنيسه ومن الكتاب المقدس .
و زي مابنشوف مسيحيات كتير في فيديوهات طالعين بيقولوا انهم غيروا ديانتهم بارادتهم وبعد كده بنلاقيهم بيرجعوا يعيشوا جوه بيوتهم وفي حضن كنيستهم فرحانين وفي سلام ده بيثبت حاجة واحدة بس ان سالي حدوته جديده في مسلسل متكرر.
