كتب - محرر الاقباط متحدون
قال الرئيس عبد الفتاح السيسي، ان كل دول العالم تعاني من تداعيات الأزمة الاقتصادية العالمية.
مضيفا خلال المؤتمر الأول للتحالف الوطني والعمل التنموي :"الظروف صعبة جدا، وانا بتكلم بمنتهى الصراحة، وده مش معناه إن الحكومة مش هتقوم بدورها في هذا الموضوع.
وتابع :" شايف ناس بتتكلم كلام مش متنظم او مترتب، كلام ناس متعرفش حاجة، ياجماعة اسمعوا مننا، مش عشان أصدق من غيرنا، لكن عشان مدركين حجم التحدي اكتر من غيرنا ، البيانات والحلول بتبقى مطروحة من الدولة.
لافتا :" اي اجتهاد من الاخرين مش مكروه، بس يمكن يعمل بلبلة ويزعج الناس، هو إحنا منقدرش كدولة وشعب نصمد أمام أي تحدي؟ ، يعني لو مصر ظروفها صعبة هنتخلى عنها ؟ .
واضاف :" هو احنا دخلنا حروب ضيعنا فيها أموال مصر، هو احنا دخلنا مغامرات ضعينا فيها أموال مصر؟ ، لا لا ، الظروف صعبة على الدنيا كلها، الحرب دي مش بتاعتنا، الموقف اللي حصل خلال ازمة كورونا او الازمة الروسية ، مصر معملتوش، انما مصر بتدفع الثمن زي كل دول العالم .
وواصل ضاحكا مداعبا المصريين :" هقول التعبير الجميل اللي ممكن متنساهوش، بطلوا هري، بطلوا هري بقى".
