علق مغني المهرجانات عمر كمال، على الانتقادات التي طالته خلال الساعات الماضية بسبب منشوره الأخير عبر موقع فيسبوك، والذي قال فيه: "إركن شهادتك على جمب لو ربنا مأذنش واشتغلت بيها وشمر واشتغل وحقق حلمك".
وكتب عمر، عبر حسابه منشورا آخر يرد فيه على تلك الانتقادات قال فيه: "فيه رقم محطوط للحجوزات عالصفحة عشان الشغل والأفراح والحفلات.. من أكتر المكالمات اللي بتيجى عاوزين شغل ومفيش شغل عندكم عشان إحنا محتاجين شغل".
وأضاف: "حاجة بتحسسنى بالحزن جدا لأنهم شباب في سني.. فبحب بين كل فترة والتانية أكتب بوست للناس فيه تشجيع وحافز إنه خلي جواك إيمان بنفسك وأمل في ربنا وأن كل حاجة هتتعدل".
واستكمل: "أنا شاب أخدت دبلوم صنايع وكملت دراسة مزيكا فمعهد موسيقى العربية.. ولما طلعت ملقتش فرصة أغني فالطرق العادية زي قصور الثقافة والأوبرا وكده.. فقررت اعتمد على نفسي واشتغل كل حاجة وحرفيا شمرت واشتغلت ومشيت فكل الطرق اللي توصلني لهدفي، فكتبت بوست من المنطلق ده اللي هو شيل شهادتك على جمب لو مشتغلتش بيها انزل وشمر وهات حلمك وهدفك وحققه وحطيت صورة لتكريمات وجوايز نتيجة لنجاحي فمجالي وطبعا قصدي أن كل واحد في مجاله يجتهد مش يسيب شهادته ويروح يغنى أكيد.. إيه الغلط في كده يا جماعة".
