د. مينا ملاك عازر
لا أدعي الخبرة، ولا أدعي الحكمة، لكن ما أسجله في هذا المقال بعض ما قرأت وجربت ونجح معي، انتبه إلى كلمة معي هنا، فليس شرط ما ينجح معي ينجح مع سيادتك، لكنه ربما ينجح، فقط عليك أن تجرب مجرد تجربتك تؤكد نيتك الطيبة بأنك تريد أن تعيش حياة زوجية هادئة، ولا أقول سعيدة، فهي لا توجد بالمناسبة، وإن وجدت فهي نادرة، لذا اسمح لي صديقي القارئ أن أكتب لك هذه الحقائق العشرين، ربما تغير من حياتك للأفضل وربما لا تفعل، لكن من المؤكد أنها لن تزيدها سوءا أبداً.
١- الجواز - صحوبية أكتر منه شكل اجتماعي.
٢- مراتك لو صاحبتك هتكون أسعد راجل في الكون "لو بقى ولاحظ أن لو في اللغة العربية هو حرف امتناع للامتناع"
٣- قاعده البيت أهم و أحلى بكتير من القهوة و البلاي ستيشن "انتبه هنا إلى أن مراتي قد تقرأ هذا المقال"
٤- متحاولش تجود في المطبخ.
5- هي بالنسبة لنا كرجاله تفاهات، بس صدقني الهدايا مهمة جداً لنجاح الصحوبية دي" انتبه إلى أنه ليس شرطاً أن تكون غالية وبمال لكن مهمة أن تبدي الهدية مدى اهتمامك باختيارها لأنه يعكس اهتمامك بها"
6- ما تبتش ليلة متخانق مع مراتك "انتبه أنا قلت ليلة، ليلة واحدة لكن ممكن طبعاً أن تبات أكتر من ليلة وهذا لو فشلت في صلحها"
7- اتمشوا سوى بليل واضحكوا مع بعض بصوت عالي "بس ده يكون بره البلد لإنهم إما حايقولوا عليكم قلالاة أدب أو مجانين لأن في البلد دي ما بقاش حاجة تضحك غير شر البلية"
8- حوشوا كتير و سافروا سوى كتير "يا ريت يكون السفر بره مصر ذهاب مش عودة، ربما يساعدك هذا على أن تكون سعيداً حقاً"
9- يوم الإجازة قضوا وقت كتير مع "بعض" "نعم بعض شخص محترم ولن يطالبك بزيارة أهله أو بمصروف البيت أو يشيلك هم أمور تافهة بجد"
١0-افتكروا الخناقات القديمة واضحكوا عليها سوا "وده طبعاً من باب إما أن شر البلية ما يضحك أو لأنكما ستكونون كبرتم وستعرفون بعد رحيل العمر بأنكما كنتما تتخانقا على أمور تافهة، والآن هناك ما هو أكثر تفاهة لتتخانقوا عليه"
١٢- ساعدها في شغل البيت بس متجودش في الأكل مش حتتنا ممكن تديها نصايح بأفكار لكن ما تمدش إيدك سيبها هي تعملها بإبداعاتها لو اقتنعت.
١2- اخرج مع اصحابها، توضيح للرجالة : لو هيا خارجه مع أصحابها ونفسها أنك تروح معها روح، حسسها أنك دايماً معها.
١3- اتصوروا سوا في كل مناسبة.
١4- كلمها وأنت في الشغل و قولها نكته و اقفل و كمل شغل.
١5- سافروا سوى كتيرررررر لوحدكم.
١6- احكي لها عن يومك كل يوم.
١7- لما تبقى مضايق متنعزلش فجأة من غير كلام، قولها أنا عايز أكون لوحدي هي هتفهم و تقدر.
18- اسمعها على اد ما تقدر "بصراحة مش عارف أقول لك إيه اللي ممكن يطول فترة القدرة، أسأل حد صيدلي على أدوية كويسة للصداع معظمهم بقى مغشوش"
لو فشلت ما تحبطش فالمعظم فاشلين وبيداروا.
