رد الإعلامي شريف مدكور، على ادعاء عدم إصابته بمرض السرطان.
وقال "مدكور"، خلال تقديمه برنامج "شارع شريف"، المُذاع عبر فضائية "الحياة"، «فيه ناس بتبعت لي رسائل على السوشيال ميديا، بتقولي أنت مش مريض سرطان، ومعملتش العملية، ومش بتاخد جلسات كيماوي».
وأوضح «الناس بتقولى انت عامل موضوع مرض السرطان علشان أزود نسب المشاهدة»، متابعًا «وفيه ناس تانية بتقول أنت بتعمل دا أنت وغيرك من المشاهير علشان الناس تتلهى فينا وتنسي زيادة البنزين مثلا أو غير».
وأضاف «للدرجة دي عقولكم معشش فيها كائنات غريبة، والناس دي محتاجة تروح لطبيب نفسي، علشان عندكم مشاكل وشايفين كل حاجه بالعكس، أرجوكم اتعالجو نفسيا، ومش عيب انكم تروحوا لطبيب نفسي».
