كتب – محرر الاقباط متحدون ر.ص
أعرب الفنان عمر مصطفى متولي، عن حزنه في رحيل الفنان الراحل محمد أبوالوفا، والذي رحل عن عالمنا أمس السبت بعد صراع مع المرض عن عمر يناهز الـ63 عاما.
وكتب عمر متولي، عبر صفحته الشخصية بموقع "إنستجرام": "بزعل لما الموت بياخد فنان كان نفسي اشتغل معاه بس ربنا ليه حكمته وأكيد محدش بياخد كل حاجة هو عايزها".
وتابع : "لكن أنا زعلي علي موت الراجل ده مش طبيعي لأني بقالي سنين بشكر في موهبته وحضوره وإمكاناته كممثل كل ما تيجي سيرته أو سيرة الناس الشاطرة ودايماً فدماغي وأنا بحضر أي شغل أو فكرة جديدة أو حتى كترشيح لحد من زمايلي، مع العلم أني عمري ما قابلته وجها لوجه!".
وأضاف:"ربنا يرحمك يا عم محمد ويصبر حبايبك علي فراقك وأنا شخصياً هكتب إسمك مع الناس اللي أتحرمت من الشغل معاهم زي الأستاذ أحمد زكي وأبويا الله يرحمهم ويرحم جميع موتانا".
