كتب – نعيم يوسف قال الرئيس عبدالفتاح السيسي، رئيس الجمهورية، إن من قاموا بالإساءة إلى النبي محمد فعلوا ذلك بعدما رأوا تصرفات المسلمين، متسائلا: انتوا زعلانيين ليه إية اللي احنا قدمناه للناس علشان ميعملولش كدة؟؟ هو هل الله عايز مننا نجيب ناس تؤمن به ونفرض عليها ذلك؟؟ لافتا إلى أن الله خلق الإنسان لكي يعبده بحرية وإرادته وفي النهاية هو من سيحاسب.
جاء ذلك خلال حوار أجراه الرئيس السيسي، مع إذاعة القرآن الكريم، بمناسبة مرور 51 عاما على تأسيس الإذاعة، حيث قال السيسي "وبقول للمسئولين عليكم دور كبير أكتر من أي حد تاني، ومحتاجين نخلي بالنا، وإحنا بنتكلم في ظل الظروف الصعبة التي نمر بها الآن".
أضاف السيسي: "لازم نتوقف كثيرا ونشوف أحوالنا وأحوال المسلمين دون انحياز، ونشوف أفكارنا ونشوف إحنا فين من باكستان وأفغانستان للعراق لليبيا لليمن، إيه اللي انتو بتعملوه في أنفسكم ده، هل هو ده صحيح اسلامنا، هل هي دي الرحمة المهداة، هل هو ده السلام والأمن اللي بنوفره لمجتمعاتنا".