اقترح المهندس هاني عازر، خبير الأنفاق العالمي، على المصريين ركوب الدراجة يومًا في الأسبوع للمساهمة في حل مشكلة الطاقة.

وقال «عازر» في مداخلة هاتفية لبرنامج «اسمع مصر»، على موجات إذاعة «نغم إف إم»: «في يوم الأجازة خد راحة، وانزل اتمشي على رجلك، وبلاش تتحرك بالعربية، وعايزين نشوف الناس تمشي بالعجلة في يوم الأجازة وتتحرك بيها، وتروح بها زيارات».

وأضاف: «السيسي عملها، وركب العجلة بدلا من السيارة».

وأوضح أن: «المصريين يحبون وطنهم بشكل كبير، وشبابها ضحكته حلوة».

وخاطب المصريين، بقوله: «فيه أمل، والمواطنين روحهم حلوة، اضحكوا وثقوا بالمستقبل، وإحنا إيدينا في أيد بعض، وإحنا فريق واحد محدش يقدر يأذينا، كلنا فريق واحد في بلد واحد، هنتحرك لقدام ومش هنرجع للوراء، وأنا مستعد أساعد بكل اللي معايا».