الأقباط متحدون - قصيدة بشفاعة ام النور
  • ١١:٥٠
  • الاربعاء , ٢٩ نوفمبر ٢٠١٧
English version

قصيدة بشفاعة ام النور

رمزى لوقا

مساحة رأي

٠٦: ٠٩ ص +01:00 CET

الاربعاء ٢٩ نوفمبر ٢٠١٧

 ام النور
ام النور

 رمزى لوقا
بشفاعة أم النور والأوليا الصالحين بشفاعة كل الرسل والأنبيا الخالدين بشفاعة اللى رقدوا كلهم فى النور بشفاعة الشهدا اللى صاروا قبلنا فى الدور بضراعة الأم اللى صلت فى كنيسة المهد و رحمة أمى اللى ما مَــلِـــت توصّينى ورحمة الأب اللى شربنى أصول دينى ورحمة الجد اللى سيرته فــى الغربة تأوينى و حياة وليدى اللى بترجاه فى الضيقة يحمينى لأحمى تراب الوطن م الغدر والإرهاب مهما يطول الزمن أو حرب من باب لباب مهما تزيد المحن مهما يكون العذاب مهما يكون الدمار و قطـــَّاعين الرقاب ** يا ارهابى أنا مسلم أنا قبطى عمر المصرى ما يوطى ولا يسجد لغير الله إذا ما كنت تهوى الموت فأنا عمرى ما خـُـفت الموت ولكنى بحب طاعة الله بأحلى حياة بأقوى صلاة فى بيت من بيوت الله كتفى ف كتف اخواتى و بعلن كل يوم توبتى يجود قلبى بتسبحتى وبسجد سجدتى لله و نعلن اننا اخوان جرس وادان ونعلّى وحتى لو بحور الدم توصلّى حتى لو هدمت الكل ما تخلّى ها نحمى الأرض ونصلّى ها نحمى الأرض ونصلّى

المقال الموضوع يعبر فقط عن رأي صاحبه وليس بالضرورة عن رأي أو اتجاه الموقع