حبايه تحت اللسان

جورج ميخائيل عازر
من تصرفات الحكومة حاسس أنا بغثيان
دقات القلب سريعه ومعاهم نَهَجان

رئيس الوزاره فارس بني خيبان
ومعظم الوزراء عايشين في توهان

عارفين مواعيد السيول لكن الكل نعسان
الفساد مالي البلد والضمير عيان

حتي لعب الكوره محتاجين مدرب فنان
يكون خواجه بلجيكي أو من الطليان

ياخد كل طلعة شمس م الدولارات حِيفان
ونستورد أكل قطط وكلاب وكمان للخرفان
بالذمه مش كده أكون محتاج حبايه تحت اللسان؟