الأصوام بتُزكّي نفوسنا
وإنت خلاصنا يا يسوع
نصنع توبة بترفع راسنا
والأصوام مش بس الجوع

نذكر مريم ونعظّمها
ونكرّمها بكل خُشوع
قدوة جميلة في وقت آلامها
تلقي سلامها في الموضوع

واللي يحب العدرا يقولها:
"تُعظّم نفسي الرب يسوع"
بالأتعاب السما هنطولها
واللي بعيد، أهو صار مخدوع

بالأصوام، الصلاة مفعولها
نقل الجبل صار مسموع
وبعمل الرحمة، السما هننولها
ومريم تشفع عند يسوع

هو اختارها ومجمّلها
سيرة نقية وكل خُشوع
فيها تواضع، وكله يقولها:
"اسمعي فينا يا أم يسوع"

لو عايزين النعمة نطولها
لما انجيله، يكون مسموع
نعمل بيه، والروح ننقلها
نسيب الأرض، نروح ليسوع

✍️ ممدوح الديري ✍️