القرار
مريم عايزه الكل يجيها
يسمع ليها بكل خضوع
هي اختارها وطهّر ماليها
اتجسد منها الرب يسوع
(1)
مريم عايزه الكل يتوب
يرجع تاني للمحبوب
ضحّى عشانا وكان مصلوب
قلبها يفرح، كان موجوع
(2)
مريم عايزه صيامنا يكون
صوم للرب يكون مضمون
نقي الفكر، قلوب وعيون
خاطي يتوب ويكون له رجوع
(3)
مريم عايزه نطيع للآب
نفتح سفر ونقرا كتاب
منضيّعشي الوقت سراب
أدي الدرس من الموضوع
(4)
مريم عايزه كلام موزون
قلب محب، ده يبني الكون
قاسي القلب، ده مش مضمون
واللي يسامح، حبّه يسوع
(5)
مريم عايزه نعيش أغراب
لا نظلم حد، لا نغلق باب
كل متاع زايل، كدّاب
أما السما، لا عطش ولا جوع
(٦)
مريم عايزه بناتها تكون
سيرة نقيّة، وقلب حنون
حتى الفكر يكون موزون
عالسما عينها بكل خشوع
✍️ ممدوح الديري ✍️
