كتب: جرجس بشرى - خاص الأقباط متحدون
 على خلفية الجريمة البشعة التي قام بها بعض المتأسلمون، والتي أسفرت عن مقتل 6 أقباط ومسلم بمدينة "نجع حمادي" بـ"محافظة قنا"، وذلك عشية الاحتفال بعيد الميلاد 2010م، قام الشاعر "رمزي بشارة" بكتابة ترنيمة تعكس حالة الألم التي يعيشها أهل الضحايا، وفي ذات الوقت تؤكد الترنيمة على التزام المسيحيين بتعاليم كتابهم المقدس في مواجهة الإرهاب، وتمسكهم بأن العدل الإلهي سيطول الجناة لا محالة، وتسيطر على الترنيمة كلمات بها مسحات من التعزية.

 الترنيمة بعنوان "ملناش غيرك نترجاه"، وتقول كلماتها:
رافعينلك يا إلهنا صلاة.. ملناش غيرك يا الله
وعشان انت الحق ضروري.. العدل هياخد مجراه
لو حقنا مهضوم أو ضاع.. صَلَح من تاني الأوضاع
بدموع عنينا جينا تعيننا.. ملناش غيرك نترجاه

اشفي لنا قلوبنا المكسورة.. عزّي أي نفوس مقهورة
صَبَرنا على اللي جرى لنا.. في "نجع حمادي" و"بهجورة"
أطفال لابسين لبس جديد.. راحوا يصلوا فـ ليلة العيد
من غير ذنب اتقتلوا يا عالم.. ده يرضي مين وبإيه ها يفيد؟؟

و أدي أم وحاضنة الصندوق.. بتقول لابنها مالك فُوق
جهزت لك الأكل بإيدي.. قوم وارجع وويّايّا ودوق

لبسك ماله الدم ملاه؟ ده أنا لسه حالاً كوياه
مالك ساكت ومبترُدِش؟ صعبانة عليّ يا ولداه

دول ستة غير الإصابات.. قولوا كفاية للعصابات
أنا من حقي أعيش بكرامتي.. ويعيش في سلام الأقباط

سلمنا أمرنا في إيديك.. والظالم سايبينه عليك
احنا سامحنا اللي ظلمنا.. اتصرف زي ما يرضيك
مش هنقابل نار بالنار.. ولا عايزين ناخد بالتار
عايزينك تيجي تعزينا.. وتشيل مِنا أي مرار

ما بتنعسشي ولا بتنام.. وكلام مش بس كلام
قُلت مبارك شعبي فــ "مصر".. ابعت تاني لـ"مصر" سلام

 جدير بالذكر أن الترنيمة مهداة من قناة "الحقيقة" الفضائية لشهداء "نجع حمادي"، وقد قام بترتيلها كورال الحقيقة.

لمشاهدة هذه الترنيمة على "اليوتيوب" من فضلك انقر هنا:

كن في قلب الحدث... انقر هنا لتحميل شريط الأدوات الخاص بالموقع لتصلك الأخبار لحظة حدوثها

تابعونا على صفحتنا علي الفيسبوك
رابط دائم :