فيديو.. عمرو أديب: سعر علبة الجبنة بيزيد كل 15 يوم.. كلهم بيتفقوا مع بعض ولا أحد يحاسبهم على أن هذه ممارسات احتكارية

كتب - محرر الاقباط متحدون
قال الإعلامي عمرو أديب:"تتضمن مائدة الإفطار البيض والخبز والجبنة، وكل 15 يوما على الأقل يرتفع سعر عبوة الجبنة، سواء ارتفع سعر الدولار أم لا!.

مضيفا خلال تقديم برنامج"الحكاية" على قناة "إم بي سي مصر،:"وكأنهم يتفقون جميعا معا، ولا أحد يحاسبهم على أن هذه ممارسات احتكارية.

وتساءل:"أين العرض والطلب؟ لا بد أن تكون هناك منافسة، بحيث تطرح شركة سعرا وجودة مختلفين، لكن ما حدث هو أنهم اتفقوا جميعا على زيادة 15% في سعر علبة الجبنة.

وواصل:"إنت بتعمل كده بسهولة ويُسر وبأعصاب هادئة، طب اللي عنده 3 عيال، لو هيدي كل عيل بيضة، والأم والأب هيضحوا، عاوز 3 بيضات يوميا لوجبة الإفطار، وعلبة الجبنة بتخلص بسرعة.

لافتا:"كده السوق هيتكسر، محدش هياكل بيض أو جبنة بعد كده، إنتوا هتكسروا السوق، لازم يكون في سقف، مينفعش الحاجة تفضل تطلع على طول، لازم الحكومة تبص لطاقة البني آدم.