فيديو.. عمرو أديب: مديرة مدرسة بنها بتصرف من جيبها على الإصلاحات.. المحافظ كان عنيف.. فين المليارات اللي بتتقال انها بتتصرف على المدارس !

علق الإعلامي عمرو أديب على واقعة تعنيف محافظ القليوبية لمديرة مدرسة كفر الجزار ببنها، والتي أكدت أنها أنفقت من مالها الخاص على إصلاحات المدرسة، وقدمت المستندات التي تثبت صحة ما ذكرته.

 

وقال أديب خلال تقديم برنامجه "الحكاية"، المُذاع على قناة "ام بي سي مصر":"مديرة مدرسة فاضلة، سألها المحافظ، فقالت له: أنا التي دفعت من جيبي تكاليف الكهرباء والصرف الصحي والمياه، إذا مديرة المدرسة تنفق من مالها الخاص.

 

وتابع:"فين الوزارة فين المليارات اللي بتتقال انها بتتصرف علي المدارس .

 

لافتا:" المحافظ كان عنيف اليوم قالها إنتي بتصرفي على الدولة طب وريني قالتله اه بصرف على الدولة ، وخرجت الورق اللي يثبت انها هي اللي وصلت الغاز والمياه من مالها.

 

وواصل:"إزاي الديسكات مكسرة كدة في أول العام الدراسي، فين الرقابة، فين الوزير، فين رئيس المنطقة التعليمية، هل ده منظر، والمديرة بتصرف من جيبها، وده قوت بيتها.