محمد أبو قمر: إلغاء تصنيف هيئة تحرير الشام منظمة إرهابية لا يعني تحول أعضائها إلى ملائكة.. فلسطين كانت القضية المركزية وتفككت بسبب استغلالها

قال الكاتب محمد أبو قمر :" زي أي حاجه بتتغير القضايا برضه بتتغير ، فلسطين كانت القضية المركزية ، وكل من هب ودب لعب عليها واستغلها لغاية ما اتفككت واتبحترت وطلع منها قضايا كتير ، قضية مرتفعات الجولان وجبل الشيخ ، وقضية لبنان.... الجنوب...تلة علي الطاهر ، قضية سلاح الميليشيات ، قضية مضيق هرمز ، قضية الحوثيين وباب المندب ، قضية سلاح حماس.

 

مضيفا عبر حسابه على فيسبوك:"سمعت قطب فلسطيني في قناة العربية بيقول : إما حل الدولتين ، أو حل الدولة الواحده إللي بيتساوي فيها الاسرائيلي مع الفلسطيني في الحقوق والواجبات ، يعني تقريبا كده هايبقي حل الدوله الواحده هايبقي موضوع مركزي في المرحله الجايه ، يعني اهايبقي مجرد موضوع مطروح للنقاش والكلام مش للحل.

 

وواصل:"حتي كلمة ( المقاومة )معدش لها نفس المعني الأولاني ، الكلمه دي بترددها الحركات والمنظمات والميلشيات للحفاظ علي أسلحتها .

4- الكلام عن القدس تقريبا اتنسي ، وغزه كمان أصبحت موضوع خاص جدا ومختلف عليه.

 

 

وأضاف:"مضيق هرمز تقريبا هايبقي قضية مركزية كبيره حتي بعد ما تتحل مشكلته ، يعني بعد ما ينفتح، أمريكا ألغت تصنيف هيئة تحرير الشام بتاع أبو محمد الجولاني كمنظمه ارهابيه ، دا مش معناه إن أعضاء الهيئة دي أصبحوا ملايكه ، أو إنهم بعد ما كانوا بيقتلوا ويغتصبوا أصبحوا بعد إلغاء تصنيفهم بيوزعوا آيس كريم علي الناس مجانا ، إلغاء التصنيف تم بسبب استكمال تفكيك القضية المركزية الأساسية ، ومحدش عارف بعد ما تنتهي المهمه دي هايحصل إيه.

 

واختتم:"كل التغيرات دي تمت علي إيد طرفين ، الطرف الأولاني أصحاب القضية المركزيه أنفسهم ، والطرف التاني بتوع الممانعه ووحدة الاشتغالات.