فيديو .. إبراهيم عيسى معلقا على واقعة المطعم :العبادة تكون بتواضع وسرية وليس باستعراض .. الحالة السلفية قربت على مشهد داعشي

قال الإعلامي إبراهيم عيسى:"من يريد أن يمارس شعائر الله ويتعبد له، فليتعبد بتواضع وسرية وإخفاء، وليس بعلانية واستعراض ورياء.

 

وأضاف عيسى عبر قناته على يوتيوب:" ومن يريد أن يعبد الله ويصلي له، فليس من المفترض أن يبتزنا.

  

لافتا:"الله سبحانه وتعالى فرض هذه الفريضة لكي نؤديها دون أن نبتز الآخرين، ودون أن نضغط عليهم أو نجرحهم، وليس لنا شأن بهم أصلا.

 

وتابع عيسى خلال تعليقه على واقعة إصرار سيدة على الصلاة داخل مطعم ورفض توجيه المدير لها بالتوجه إلى مصلى المول:"حاجة غريبة جدا، وده المشهد السلفي اللي إحنا بنعيشه في حياتنا، واللي هو قرب على إنه مشهد داعشي.

 

 

وواصل:"اللي هو ييجي يحاسبك ويسألك: أنت بتصلي ولا لأ؟ أنت ليه مش محجبة؟ اللي هو: أنت مالك؟ أنت مالك؟ أمر لا يخصك على الإطلاق. 

 

لافتا:"ما يخص المسلم هو علاقته بربنا، تأديته فريضة ربنا،طب فريضة ربنا بتقول لك إنك تروح تحاسب الناس وتسائلهم؟ لا، لست عليهم بمسيطر أصلا.

 

وأضاف :"ده ربنا بيقول لنبيه الكريم:لست عليهم بمسيطر، أنت هتسيطر عليا ليه؟، الأخت اللي عايزة تصلي في المطعم ده، هتسيطر على أصحاب المطعم والعاملين والزبائن؟ أنتم هتسيطروا علينا؟!.

 

 

وتابع:"كل واحد بإيمانه مع ربنا، وكل أمر معلق من عنقه، فالمسؤولية السلفية دي نفس الحكاية بتاعة: اقفل الباب، اقفل الدكان عشان الصلاة، اقفل المحل عشان الصلاة، اقفل مش عارف إيه. 

 

لافتا:" هو دي الحالة اللي أنت عايز تعملها، اللي هو إنك تفرض الفرائض،وربنا سبحانه وتعالى فرضها دون إكراه، فلك أن تصلي ولك أن لا تصلي