فيديو .. اجتماع لجنة الإيمان والتعليم .. الأنبا مقار : ناقشنا التربية الدينية بالمدارس وإزاي نوصل لكل الأولاد تعليم مسيحي نقي وصحيح

قال الأنبا مقار أسقف الشرقية والعاشر:" بالنسبة للجنة الإيمان والتعليم، ناقشنا كذا نقطة مهمة جدًا.

 

مضيفا في تصريحات لقناة COC:"أول نقطة كانت عن التربية الدينية في المدارس، وإزاي نوصل لكل الأولاد تعليم مسيحي نقي وصحيح. 

 

وتابع:"حتى لو في مشكلة أو نقص في المدرسين، إحنا مستعدين نبعت خدام متطوعين من عندنا علشان يدرسوا الدين المسيحي لأولادنا.

 

لافتا:"وبالنسبة للاكلريكيات، اتكلمنا إزاي نطوّرها ونرفع مستواها، سواء من ناحية المباني أو من ناحية المدرسين، وكمان إزاي تبقى طريقة التدريس فيها مناسبة للعصر الحالي، خصوصًا في الدراسات العليا.

 

وأضاف:" أما بخصوص الإصدارات اللاهوتية، إحنا جهزنا كتابين عن عقيدة الكنيسة القبطية، وهنقدمهم يوم الجمعة إن شاء الله في المجمع. الكتاب الأول عن مقدمات، والكتاب التاني عن علم الله (الثيولوجيا).