فيديو .. بكاء وانهيار والدة جيسي :قالوا لي بنتك جوه وفكرت العناية واكتشفت إنهم يقصدوا المشرحة

كشفت قناة الشمس عن مصرع فتاة بعد 24 ساعة من دعائها على نفسها، إذ كانت قد قالت: "نفسي ربنا ياخدني".

 

وبكت والدة جيسي وانهارت، وقالت في تصريحات لقناة الشمس: "لما ودوني المستشفى لقيت الإسعاف بتشيل الدم، قلت لهم فين جيسي؟ قالوا لي جيسي جوه.

 

وتابعت:" فقلت يقصدوا في غرفة العناية بالمستشفى، قالوا لي لا، هنا هنا دي يقصدوا المشرحة.

 

وواصلت :" قلت لهم لا، جوجو بنتي جوه، مش مصدقة، بعدها دخلوني وشفت جوجو نايمة، شعرها زي القمر، ما عرفتش وشها، دم ودموع نازلة من عينيها.

 

وأضافت:" دخلت وقلت لها: قومي يا جوجو قومي، إنتِ صاحية، إنتِ ما ينفعش تموتي، أنا ما ينفعش أعيش من غيرك، قومي.