أبو قمر: حزين لعودة الكتاتيب.. الفتاوى ألغت القوانين.. حصار أصاب الناس بالخمول ولم يعد هناك إمكانية للإبداع

كتب - محرر الاقباط متحدون 
قال الكاتب محمد أبو قمر:"النهارده هو يوم ميلادي ، بس كل ما افتكر موضوع الكتاتيب أكره اليوم إللي اتولدت فيه ، وكنت ناوي في اليوم ده ألبس إللي ع الحبل وانزل أتمشي في وسط البلد، لكن لما افتكرت إن وزير الأوقاف زار وكالة الفضاء المصرية وعمل هناك مؤتمر وقال إيه عايز يعمل نوازل فقهيه للفضاء اتعكننت.

مضيفا عبر حسابه على فيسبوك :" وأنا بجهز نفسي للاحتفال، عرفت إن الفتاوي إللي صدرت عام 2024 وصلت لمليون400 ألف فتوي عقلي طار ، ياجماعه دا حصار علي عقل وضمير الناس ، الناس لازم تفكر بنفسها علشان تلاقي حلول لمشاكلها ويبقي كل واحد مسئول عن نفسه ، الحصار ده أصاب الناس بالخمول ، معدش في إمكانيه للإبداع من كتر الفتاوي ، طيب احتفل إزاي وأنا شايف إن الفتاوي ألغت القوانين ، وبعدين كام جهه بتفتي في البلد !! ، عموما ربنا يكتر كتاتيبكم وفتاويكم ، أنا خلاص مش نازل.