مقتل أبو عبيدة .. بعد اغتيال قيادات حماس وحزب الله والحوثي .. خالد منتصر لرجال الدين : كفاية دعاء على اليهود .. دعواتكم ماشية بالعكس

علق المفكر والطبيب خالد منتصر على اغتيال إسرائيل لعناصر وقيادات في حماس وحزب الله وجماعة الحوثي في اليمن، حيث صرح مصدر فلسطيني للعربية، بأن أفراد من عائلة الناطق باسم كتائب القسام الجناح العسكري لحركة حماس أبو عبيدة، وقيادات بالقسام أكدت اغتياله بعد معاينة الجثة.

 

وكتب منتصر عبر حسابه على فيسبوك :" حد يقول لشيخ الجامع اللي جنبنا كفايه دعاء ع اليهـود ، كفاية كل جمعه يتم عيالهم ورمل زوجاتهم وأحفاد القردة والخنازير ..الخ،دعواتهم ماشيه بالعكس،  وبترد في صدرنا احنا وبتمرر عيشتنا،النهارده أبو عبيده والقائد العسكري لحماس، وامبارح تلات ارباع الحكومة اليمنية الحوثية المجاهدة، وقبلهم علماء ايران وقادتها العسكريين، وقبلهم حسن نصر الله والنايب ونايب النايب، والمئات من حزبه ، ممن فقدوا أعينهم وأطرافهم في انفجارات البيجر، وقبلهم السنوار ورفاقه ، ونصف اخواتنا الغزاوية شهداء  ومصابين ونازحين…الخ .

 

وتابع :" كفايه دعاء الله يعمر بيتك ، أبوس رجلك يا فضيلة الشيخ ، كل ما بتدعوا من ع المنابر بتحصل كارثة!!!بس المهم زي ما فضيلتك بلغتنا في السبعين ميكروفون اللي انت بتزعق فيهم، إن حماس الحمد لله انتصرتوحزب الله انتصر وايران انتصرت

والحوثيين انتصروا، كده احنا اطمنا بس حنطمن أكتر لما تبطل دعاء عليهم، ايه رأيك تدعي علينا احنا المسلمين ..يمكن تظبط معانا ونتقدم زيهم؟!.