فيديو .. القمص داود لمعي : ما أجمل التأمل في إحسانات الله فهو أولا شفاء للنفس

قال القمص داود لمعي كاهن كنيسة مارمرقس كليوباترا بمصر الجديدة :" ما أجمل التأمل في إحسانات الله، فهو أولا شفاء للنفس.

 

مضيفا خلال برنامج (ساعة على الهواء),  المُذاع على قناة (مي سات)، القبطية الارثوذكسية :"لما النفس تبقى مهزوزة ومثقلة ومهمومة، انسى يومك ده، وانسى اللحظة اللي تعباك دلوقتي.

 

وتابع :"وبنظرة عقل، هتلاقي إنه مهما كان وجعك دلوقتي، لما تراجع شريط حياتك كله هتقول: كنا فين وبقينا فين.

 

وواصل :"ومهما كان الوضع دلوقتي، أمال إيه اللي عمله ربنا معايا في السنين دي كلها؟.

 

مشيرا :"الشيطان ساعات يشغلنا بمأساة اليوم ومشكلة النهارده، فنحس بالقلق على بُكره، فربنا يقول لك: بص لإرميا، في عز وجعه قال: من إحسانات الرب أننا لم نفنَ.