فيديو .. الأنبا جوارجيوس في صلاة جناز الخادمات الثلاث : المسيح هو صاحب الوديعة .. اتزفوا للعريس السماوي اللي ملوش مثيل

ترأس الأنبا جوارجيوس، أسقف مطاي، صلاة الجناز على أرواح الخادمات الثلاث اللاتي لقين مصرعهن إثر حادث انقلاب ميكروباص أليم، وهن: ريموندا شكري، ميرنا يعقوب، ودينا أشرف، من كنيسة السيدة العذراء والأمير تادرس الشطبي بداقوف.

 

وقال نيافته خلال إلقائه العظة :" كونوا عارفين ان السيد المسيح بيحبهم جدًا جدًا، وهو اللي جابهم للدنيا وسلمهم لينا وديعة. 

 

وتابع :" هو صاحب الوديعة، وإحنا أمناء عليها،  والوديعـة بتاعته، يقدر يجيبها أو ياخدها في الوقت اللي هو عاوزه .

 

وواصل :"هما دلوقتي اتزفوا للعريس السماوي اللي ملوش مثيل، مفيش عريس أحلى من الرب يسوع نفسه. 

 

كما أضاف :" الرب يسوع هو العريس السماوي لكل نفس بشرية، فنفرح لهم، لأنهم اتزفوا للعريس السماوي.

 

لافتا :" كلنا كبشر زعلانين على فراقهم وبعدهم عنا، وده طبيعي، لكن يكفي إننا اطمنا إنهم راحوا لأحلى عريس، العريس السماوي اللي ملوش مثيل.

 

كما لفت :"إحنا عندنا إيمان، فبلاش نلطم،  الكتاب المقدس بيقول: "لا تحزنوا كالباقين الذين لا رجاء لهم"، ماتحزنوش، دول راحوا للعريس السماوي.

 

وتابع :" وكمان سافروا وهما بيخدموا أولاد المسيح، ، كانوا أمناء وعاوزين يفرحوا أولاده، والمسيح مش هينسى خدمتهم عشان كدة المكافأة عظيمة  

والمسيح لازم يسعدهم.

 

وكان ورد إلى الأجهزة الأمنية بمديرية أمن المنيا، بلاغا من غرفة عمليات النجدة، يفيد بانقلاب ميكروباص بالطريق الصحراوي الشرقي، ما  أدى الى وقوع ضحايا ومصابين.