فيديو .. النائب عبد المنعم إمام يهاجم الحكومة بسبب البيانات الخاصة بقانون الايجار القديم : تهديد حياة مواطنين .. ده حد الستر مش مجرد مسكن

انتقد النائب عبد المنعم إمام، الحكومة بسبب البيانات الخاصة بقانون الايجار القديم، ورأى انها تفتقد الشفافية .

 

وقال خلال جلسة البرلمان :" احنا بنتكلم عن تهديد حياة مواطنين، الحكومة اللي كل شوية تقول ما عندناش أرقام وبتطلع أرقام حكومة ما نعرفش دي الطريقة اللي بتدير بيها حياة الناس، الستر بتاع الناس ده حد الستر، ده مش مجرد مسكن، احنا بنعمل إيه وعايزين نعدي إيه ! .

 

مضيفا :"لا لا لا، بالوضع ده أنا لا أقبل إن واحد فوق الـ 60 مش عارف مستوى دخله، أطلعه مع حكومة أنا ما وثقتش في اللي عملته الفترة اللي فاتت مع الناس اللي سابت بيوتها. 

 

وواصل :"مش هنضحك على نفسنا، الطريقة دي في إدارة الأمور غير مقبولة، أنا مش واثق في الحكومة دي.

 

لافتا :" الطريقة بتاعة إدارة الأمور بهذا الشكل خطر فادح.

 

كما لفت :" المسألة لا هي انتخابات، ولا هي أغلبية، ولا هي أقلية، ولا هي معارضة، دي بلد، دي ناس لازم نبقى واضحين جدًا في الوقوف قدام هذا التعدي، لأن ربنا هيحاسبنا ولو على حالة واحدة، ظلم المواطن، مواطن واحد بحكومة كاملة.

 

وتابع :" أرفض مرور هذا القانون بالمادة ٢ والمادة ٨، وبطالب بإلغائهم