فيديو.. القمص بولس جورج يحذر من الغيرة: تدمر الإنسان.. اوعى تبص في طبق أخوك.. اشكروا ربنا على اللي عندكوا

كتب - محرر الاقباط متحدون 
شدد القمص بولس جورج،كاهن كنيسة القديس مار مرقس الرسول بمصر الجديدة، على ضرورة التحلي بفضيلة الرضا، قائلا "اوعى تبص في طبق أخوك".

مضيفا خلال برنامج (الراعي الصالح)، المُذاع عبر قناة "مي سات"، القبطية الارثوذكسية:"لا تنظر في صحن أخيك"، تعبير المقصود به ان لا تضع نفسك في مقارنة مع غيرك .

موضحا:"استخدمت هذا التعبير لأن الإخوة، عند توزيع الطعام، لا يهتمون بالخضار أو الأرز المتوفرين بكثرة.

وتابع :"بل يكون كل تركيزهم على أطباق بعضهم أثناء تقسيم الأم للدجاج واللحم، ليرى كل واحد منهم كم ستعطي لأخيه .

لافتا:"كل واحد منا ينظر في طبق أخيه، ونحن هنا في الكنيسة، في حال ركز كل كاهن على خدمة غيره، لتشاجرنا ليلًا ونهارًا وشعرنا بالغيرة، لكن كل واحد ينشغل بخدمته.

وواصل :" لم يصبح أحدا منا أمينا بعد، وأنظر في طبق أخي، وأنا لم أنته من طبقي، وأعدل عليه .

لافتا :" جميع الناس مخدوعون، ولذلك نركز على ملابس بعضنا، وممتلكات بعضنا، وأعمال بعضنا، ورواتب بعضنا، ومن هنا تدخل الغيرة وتقتلنا.

ونصح :" بص في طبقك اللي مديهولك ربنا، هو مديهولك وهو حاسبها كويس، وعارف إن لو اداك أكثر من كده ممكن تفسد.

وتابع :" مرة واحد قالي: "مراتي دي مش فاهمة حكمة ربنا في حياتي.

وتابع هذا الشخص :"أنا ربنا خلاني طول عمري على الشعرة، يعني يوم 29 ده آخر مليم في البيت، يوم 30 أقبض المرتب الجديد وفضلنا ماشيين كده.

 تيجي بناتي تتجوز، يعملوا حاجة اسمها استقطاع معاش، يعملوا حاجة اسمها تصليح وظيفي.

 تتجوز البنت، وبعد ما تتجوز نرجع تاني صفر يا ابونا ،  المعدل عندنا كده، ماشي على طول "خبزنا كفافنا."

وتابع كاهن كنيسة القديس مار مرقس الرسول بمصر الجديدة :"بيقول لي: "مراتي مش فاهمة، عارف أنا لو القرش جري في إيديا، أول حاجة أعملها كنت هجيب إزازة خمرة، فربنا عشان عارف عيبي، مديني على قدي.

لافتا :" في أوقات كتيرة قوي، إنت بتغير إن فلوس فلان أكتر من فلوسك.

كما لفت :" بس إنت ما تعرفش مشاكله وحملها، يمكن لو شُفت مشاكله تقول: "لأ، ده أنا آكل لقمة بملح كل يوم وماشيلش مشاكله.

كما نصح :" بنبص لبعض من بره، أوعى تبص يا ابني ويا بنتي، اشكروا ربنا على اللي عندكوا، وما تبصوش في أطباق بعض.

موضحا :" ربنا حاسبها كويس قوي وعارف وانت في سن النمو هيديك حتتين لحمة، وعارف لما كنت طفل هيديك حتة واحدة.

كما أوضح :" أشمعنى؟ عشان عارف لو أكلت حتة تعدي حتتين يجيلك إمساك وانت طفل.

وتابع :" فإنت هتاخد حتة واحدة، ولما تكبر وتبني عضل، هيديك حتتين.

مؤكدا :" هو عارف هو بيعمل إيه، وتابع :" بس إحنا شاغلين نفسنا قوي وبنتهم ربنا بالظلم، عشان إحنا من جوانا بنبص على طبق اللي جنبنا، ما ببصش على طبقي.