عمرو أديب بعد هجومه على كامل الوزير ومدبولي: «أنا مش عدو البلد» (فيديو)

محرر الأقباط متحدون
قال الإعلامي عمرو أديب، إن انتقاده لوزير النقل كامل الوزير، ورئيس مجلس الوزراء الدكتور مصطفى مدبولي، على خلفية حادث الطريق الدائري الإقليمي في المنوفية ليس كيدًا وليس أمرًا شخصيًّا.

وأضاف أديب خلال برنامجه «الحكاية» عبر قناة «mbc مصر»، مساء الأحد: «الموضوع مش كيد… والطريق الدائري الإقليمي لو بقى بكرة كويس وعظيم هنتبسط».

وتابع: «لو الطريق عظيم كان بيان مجلس الوزراء اللي طلع النهارده ليه؟! وزيارة كامل الوزير كانت للطريق ليه؟! وتصريحه إن الطريق محتاج 50 مليار جنيه للصيانة، يبقى الطريق محتاج إصلاح».

وأوضح: «الوزير هو معدي النهارده في الطريق حصل حادثة جنيه، في مشكلة، إيه القضية إنه يبقى في مشكلة، في مشكلة نحلها، إحنا لسه محتاجين نكابر»، مشيرًا إلى أن هناك حوادث يومية تحدث على الطريق، ولا يوجد مجال لأي مكابرة.

وأكمل أديب: «لو أنا عدو للبلد مكنتش هبقى قاعد هنا، والبلد عارفة مين عدوها ومين مش عدوها.. يجب أن يشعر المسؤول أن هناك مجال للحساب، وإذا صمتنا على ما يحدث قد يكون الضحية في المرة المقبلة قريب لنا».

وأشار إلى أن برنامجه من أكثر البرامج التي عرضت إنجازات كامل الوزير، لكن ما يجب النظر إليه هو ملف الصيانة والذي هو مشكلة مصر الأزلية، معقبا: «أرجو ألا يشعر أحد بوجود مؤامرة».

عمرو أديب: الموضوع مش كيد.. والدائري الاقليمي لو بقى بكرة كويس هنتبسط.. ووزير النقل قال ان اصلاحه وتطويره محتاج ٥٠ مليار
برنامج #الحكاية يعرض الآن على #MBCMASR

الجمعة - الأثنين الساعة 10:00 مساءً بتوقيت القاهرة

مجاناً على شاهدhttps://t.co/uwHwlsCISw pic.twitter.com/G6XTLQXKBT

— الحكاية (@Elhekayashow) June 29, 2025