مهرائيل صبري عروس بني سويف : منعني من الأكل والحمام ومن التواصل مع أهلي وكان بيقلب الأكل في وشي .. عذبني بسلك مشترك 7 ساعات متواصلة

 

قالت مهرائيل صبري، عروس بني سويف، التي تعرضت للعنف الزوجي :" كان يعاملني معاملة حسنة خلال فترة الخطوبة، وكانت فترة جميلة خالية من المشكلات .

 

مضيفة في تصريحات لبرنامج (انا وبيتي)، المذاع عبر قناة مي سات القبطية الارثوذكسية :" عذبني بعد الجواز، عشت معاه شهر ونص في عذاب.

 

لافتة :" أنا كنت عروسة وكنت فرحانة بنفسي، وفجأة لاقيته بيعذبني، ماكانش بيأكلني ولا بيشربني، ولا كان بيدخلني الحمام، وكان مانعني أكلم أهلي في التليفون.

 

موضحة :" فضل يضرب فيا، وأهانني وشتمني، وماكانش بيخليني أجيب أي حاجة من بره، وكان بيقلب الأكل في وشي.

 

مشيرة :" تصرفاته معايا كانت وحشة، وكان بيزعق جامد، وكان بيطلب حاجته بالشتيمة، وماكنتش قادرة أستحمل وكنت بتعب.

 

موضحة :" قالي: إنتِ إيه اللي وصلك إنك تتكلمي مع أهلي؟، وراح ماسك سلك مشترك وضربني من الساعة 10 لحد الساعة 5 الصبح.