فيديو .. د.حنان فهيم تقدم نصائح للتغيير إلى الأفضل : كن مشجعا لمن حولك وإيجابيا .. العصبية عشان أغيرها لازم أشوف سلبياتها

قالت الدكتورة حنان فهيم خبيرة التنمية البشرية :" كلنا بحاجة إلى التغيير، لا أحد يبقى على حاله ولا أحد يترك الأمور كما هي عليه، حيث يقرر تغييرها 

 

 

مضيفة خلال تقديم برنامج "اصنع حياتك بنفسك" المُذاع عبر قناة موقع (الأقباط متحدون)، :" من يجلس في غرفته لن يتركها كما هي، حيث يقرر نقل خزانة الملابس ، وقد ينقل السرير إلى جانب آخر، في ترتيب جديد للغرفة .

 

 

لافتة :" ومن يرتدي الملابس الكاجوال، قد يقرر ارتداء الكلاسيكية، ومع كل موضة جديدة، هناك تغيير.

 

 

موضحة :" وهو ما ينطبق على البشر ايضا، كلنا بحاجة إلى التغيير، فلا أحد منا كامل، ولا أحد منا "عشرة على عشرة".

 

 

وتابعت :" كلنا بحاجة إلى تغيير لنستحيل إلى الأفضل، لابد من التغيير والتطور، لا يجب على الإنسان أن يبقى على حاله.

 

 

في حال بقيت كما أنت، لن تتقدم للأمام، ولن تبقى في مكانك أيضا، بل ستتراجع إلى الخلف.

 

 

موضحة :" يعني مثلا، أم موجودة وواخدة مؤهل عالي، وشاطرة، وجميلة، وكويسة، ومخلية بالها من بيتها، وبتربي ولادها.

 

 

شوية، الولاد تكبر وتدرس، وتتعرف على حاجة جديدة، والإنترنت، والدنيا، والأم فضلت زي ما هي.

 

 

الإجابة : هلاقيها هي رجعت لورا.

 

ونصحت :" قول: أنا محتاج أتغير، طب أغير إيه؟ في كتير عندنا عنده عصبية، في كتير ما بيعرفش ياخد قرار، في كتير مش عارف يتقدم لقدام، في كتير بياخد المركب ويرجع بيها لورا. 

 

 

مشيرة :" كل واحد فينا عنده عيب هو عارفه ومستسلم ليه، أصل "التطبع يغلب الطبع" أو "أنا مش هقدر".

 

 

 لا، في ناس كتير بتتغير، في ناس بتتحسن، بص عليهم كده، بص على حياتهم بعد ما اتغيروا، هتلاقي حياتهم جميلة جدا، ومش ندمانين إنهم اتغيروا.

 

مضيفة :" طب ندي مثال، نتغير من إيه لو جينا نتكلم على العصبية؟ العصبية دي عشان أغيرها لازم أشوف إيه سلبياتها؟ ما هو ما فيش حاجة لو عاجباني هقول أغيرها.

 

 

موضحة :"العصبية بتفقد سلام الشخص نفسه، هو أنا لما أتعصب وأزعق أنا هبقى مبسوط؟ لا طبعا هبقى حزين، هبقى متضايق، هبقى شايف الدنيا كلها مش كويسة، ومتوتر طول الوقت.

 

 

لازم تتعلمي جوا بيتك تقولي شكرا، تقولي لشريك حياتك شكرا إنك بتحبني.

 

تقوليله شكرا إنك اخترتني، شكرا إنك قادر تتحمل مصاعب الحياة بره البيت وتجيب فلوس عشان تصرف على البيت وتسعد كل اللي موجودين في البيت.

 

ومحتاج الزوج يقول شكرا لشريكة حياته إنها  مستحملة تعب الولاد وتربيتهم ومسؤوليتها من ناحيتهم والمذاكرة، وإنها بتطبخ كل يوم وتغسل وتمسح.

 

 

كما نصحت :" غير في يومياتك وكن مشجعا للي حواليك، كن إيجابيا.

 

قول كلمة حلوة للناس اللي حواليك. دي صعبة، محتاج تتغير لها،  أنت محتاج تتعلم كل يوم إنك تقول كلمة إيجابية في الدنيا المحيطة بيك.

 

قول لأولادك: بحبكم، وبرافو، أنت شاطر، أنت بتتحسن.

 

وتابعت :" قول لمراتك: الله، أنت شكلك جميل، وأنتي تقولي لجوزك: أنت رائع، أنت مضحي، أنت بتتعب علشان ده نوع من أنواع التغيير اليومي.

 

مضيفة :" التواصل المستمر مع الأسرة، مواجهة المشاكل المزمنة اللي حواليك، دي كلها محتاجة إن إحنا نتغير وناخد فيها قرار. 

 

 

لافتة :" على مستوى العمل محتاج أتغير، إن أنا أكون أمين مش تقول كلمة على قد فلوسهم، أنت في ربنا شايفك.

 

 

كما اضافت :"  أو ممكن في وظيفة ما حدش واخد باله، كلكم عدد رايح بيمضي وعدد بيمشي، إنما هل أمين في وقتك؟ هل أمين في وقت الشغل؟ هل بتدي الشغل حقه؟ لازم التغيير.