فيديو .. الأنبا بولا عن تصريحاته بشأن قضية مدرسة دمنهور : أراحت النفوس وسعيا للحفاظ على سلامة البلد ولنفي الشائعات فالدولة لم تستولي على المدرسة والمدرسة بخير

قال الأنبا بولا، مطران طنطا والنائب البابوي لإيبارشية البحيرة ومطروح وتوابعها: "أوجه رسالة لأبنائي بخصوص قضية مدرسة دمنهور، وهي أننا نفكر في سلامة الشخص، وسلامة البلد، ونفكر أيضًا في راحة النفوس المجروحة من الأقباط داخل مصر وخارجها.

 

مضيفا خلال برنامج "أنا وبيتي" تقديم الإعلامية  نانسي مجدي، عبر  قناة "مي سات"  القبطية الارثوذكسية :" لذلك، كان من الضروري أن أرد خلال العظة الأسبوعية في طنطا."

 

وتابع :" كنت سعيدا، بدون مبالغة، بتلقي مئات الرسائل، التي أكد فيها الناس ارتياحهم بعد تصريحاتي خلال العظة الأسبوعية بطنطا.

 

وواصل :" وكنت سعيد عشان اللي قلته أراح نفوس،  والشيء العجيب جدًا ان عشرات من اللي بعتوا لي رسائل أو اتصلوا بيا بالتليفون من أوروبا، من أمريكا، من أستراليا، والناس متابعين الأحداث، بس أنا ماكنتش متخيل الكلمتين الصغيرين دول يسمعوا.

 

مضيفا :" أشكر ربنا إنه إدانا نعمة نقول الكلام

ده من أجل راحة النفوس، وفي نفس الوقت

سعيا للحفاظ على سلامة البلد.

 

موضحا :" لأن كمان كان بدأ ينتشر كلام مش صح، زي إن الدولة استولت على المدرسة، وإن الدور على الفُلك، وإن دي خطة دولة للاستيلاء على المدارس القبطية بسبب نجاحها.

 

وتابع :"  الناس بقى هتبدأ تبالغ، هو في إيه يا جماعة؟ الكلام ده ما حصلش، المدرسة بخير والمدرسة ماشية، فكان لازم نرد عشان الناس تطمئن وترتاح، وأؤكد: ما فيش حاجة من دي حصلت.

 

وكان قال الأنبا بولا خلال العظة :" أدعو كل قانوني لدراسة ملف قضية مدرسة دمنهور وأكون شاكر لو جاب لي دليل إدانة واحد، مؤكدا :" نضع سلامة الوطن أمام أعيننا والوزارة لم تستحوذ على المدرسة.