دايت تايواني

جورج ميخائيل عازر | 2015-10-25 08:16:28

بقلم : جورج ميخائيل عازر

أرداف م الجنبين
وهاله ع العين
الرجلين وارمين
ألم ف الساقين
الخدود مقلبظين
البطن لقدام شبرين

أنا عامله دايت متين
الأكل كل ساعتين
طبق بليله بدل طبقين
شريحة دهن واللحم سمين
البط والوز سالقين
الكنافه يادوب قطعتين
بمشي كل يوم مترين

الغريب الميزان بيقول زايدين
وإحنا جنب الحيطه ماشيين
أعمل ايه يا سامعين
ياتري الزياده منين

المقال الموضوع يعبر فقط عن رأي صاحبه وليس بالضرورة عن رأي أو اتجاه الموقع