كتب - محرر الاقباط متحدون
اثارت الشيف نجلاء الشرشابي، غضب عدد كبير من المصريين، حيث قالت للشيف ساندرا مكاري خلال تقديم برنامجها (على قد الايد) : "صلي على النبي كدة وقولي الشهادة"، رغم انها على علم بانها مسيحية، ووجه هؤلاء للشرشابي تهم التعصب وعدم احترام دين الآخر ، ونرصد خلال السطور التالية بعض التعليقات الغاضبة من الشرشابي :
-ماتستنضفوا الاشكال اللي بتطلعوعها في التليفزيون بقى ، هو احنا ناقصين تطرف ؟؟ وماله الدين بالطبيخ ؟ قرفانة تطلعي مع حد مسيحي اعتذري عن الحلقة او استقيلي من القناة او حاولي تكبحي جماح الصورم لحد ما الحلقة تخلص .
ست الطباخة نجلاء الشرشابي طلعت مع مذيعة مسيحية ففهي نهاية الحلقة بتقولها صلي علي النبي وقولي الشهادة ، لا وعايزة المشاهدين يدعولها ، لأ واثقة من نفسها اوي ومغسلة وضامنة جنة حرفيا .
- الشيف "نجلاء الشرشابي". اللي بتطلع علي قناة cbc وعندها ملايين المتابعين كانت مستضيفة مذيعة وخبيرة تغذية اسمها "ساندرا مكاري". المهم ساندرا بتقول للمذيعة *أنا سعيدة جداً بوجودي معاكي*. ردت عليها نجلاء وقالت لها بنطاعة ووقاحة طيب ما تصلي على النبي كده و تقولي الشهادة بالمرة. ساندرا ضحكت وعدت الموضوع عادي وطبعاً نجلاء كملت عادي وفضلت تضحك .
الجملة دي موجوده للأسف كثير حوالينا .. ودايماً بتتقال كمادة للهزار والضحك. لكن هي جملة سخيفة مفيش فيها ضحك ولا احترام ابداً
-بتمنى المذيعة دي تتحول للتحقيق، وبتمنى نبطل نشوف الجملة السخيفة دي في أي مكان سواء هزار أو جد وبس ":).
-سؤال للست نجلاء الجملة دي..لو على سبيل الضحك ...هل هي فعلا تحتمل الهزار والضحك ؟
طيب لو على سبيل الجد...هل حضرتك شغالة شيف في قناة طبخ..ولا داعية في قناة دينية؟
طيب لو من جهة الذوق....هل من الذوق اصلا تقولي لواحدة مش من دينك ولا معتقدك جملة زي دي ولية اصلا؟؟؟
نيجي للطرف التاني...هل لو ردت عليك ورفضت الهزار اللي اصلا لا مجال لة وقتها ...هتتبطسي يا ست نجلاء..!!!!هل لو ردت عليكي بنفس سخافة منطقك وبهزارك السمج ودعيتك لدينها ....ياترى هيكون رد فعلك اية!!! ساندرا اظهرت ببساطة رد فعلها خبث وتعصب وسواد تغلل حتى في برامج الطبيخ .
- الغلط ع اللي سكتت وقالتلها انشالله وهاهاها ... لو كانت احرجتها بالذوق مكنتش التانية تمادت ف الهطل دا ... ايه علاقة معتقدك في الشغل او في الحوار ايه موقعه اصلا ف الجملة ... حشو وخلاص ...صحابي ع عينى و ع راسي لكن هتفرض عليا هزارك السخيف يبقي طززز ف صحوبيتك ، والهى اللي بيهين الدين شوية الهطل و الجرابيع دول ، دينك بينك وبين ربنا ونفسك .
-اصبح للجهل والسرسجة عنوان….للقباحة والتعصب عنوان….للفلح والتصحر عنوان…. واخيرا لقلة الادب والصفاقة ايضا عنوان…خسارتك في ناسك يا بلدي….امتي مصر حتنضف من الهمج دول؟ هو ده السوءال….فين ايام الرقي والاحترام….والعظيمة مني عامر….ياخسارة يا بلد.
سميرة حسن : بطلت اتفرج عليها... بدل الطبخ بتكلم في الدين.
-بتقابلنى انا شخصيا كتير و برد رد بسيط للى قدامى ، انه ميعودش نفسه انه يقولها لان فى ناس هتعتبرها اهانه وعدم احترام لديانته فبيفهم على طول ومش بيعدها تانى حلو الحب من غير شروط
حب خلقه الله لبعض من غير تفكير ولا تمييز
زى ما ربنا بيحبنا.
-مفيش احترام لحقوق وخصوصية الغير
عايشين لوحدهم على الكوكب دة.
-ولن ترضى عنك نجلاء حتى لو اتبعتي ملتها :
امبارح كان فيه احتفال بمناسبة مرور 10 سنوات على افتتاح قناة طبخ شهيرة, و كان طول اليوم فيه حلقات بث مباشر يشترك فيها اكثر من شيف مع بعض.
وشوفت جزء من حلقة بين نجلاء الشرشابي مقدمة الطبيخ العريقة و بين المقدمة الصاعدة ساندار مكاري و كانت ساندرا بتقول لنجلاء انها سعيدة جدا جدا بوجودها مع نجلاء.
فردت عليها نجلاء : "طيب ما تصلي على النبي كده و تقولي الشهادة بالمرة" !!!فضحكت ساندار ضحكة بلهاء و استمرت نجلاء في ابتسامتها الصفراء.
بعد هذه الجملة السمجة السخيفة سواء كانت هزار اوجد فهي تعبر عن واقعنا التعيس الذي فيه كل شيي جميل نعمله بإنسانية او حسن نية يخفي وراه قباحة البحث عن الدين و استخدامه كمعيار الفرز و التصنيف !!!.
-علي فكره ده بيحصل في كل مكان فيه مسيحي بيشتغل بتتقال بنفس السماجه ايه رايك ما تصلي علي النبي ونضمك السفاله اتنقلت علي الشاشه لان ما فيش قانون بوقفهم التمييز.
-لو حضرتك تناقشتى معها فى اى مجال او اى موضوع ستتاكدى بنفسك كم هى جاهله لا تحمل اى فكر مجرد رأس فوق جسم.
- ليس لها الحق فى ذلك واحىء ساندرا على رقيها وشياكتها انما يوجد الكثيرون محترمون اولهم غادة التلى واميرة المطبخ وغيرهم الكثير.
