كتب:محرر اقباط متحدون 
أعلن كورال مارافرام السريانى عن عدم تنظيم اى حفلات "كريسماس " خلال هذا العام، حيث أنه تم تكريس هذا العام للخدمة في الكنائس التى تطلبهم.
 
وفي بيان لهم قالوا " الكورال أعلن من بداية السنة دى اننا هنكرس السنة كلها للخدمة 
و مش هنعمل ألبوم السنة دى و لا احتفالية ميلاد عشان نقدر نروح لكل الكنائس اللى بتطلبنا..
و فعلا الكورال لحد إمبارح خدم ٧٠ خدمة فى ٧٠ كنيسة فى كل أنحاء مصر .. روحنا لكل اللى طلبنا على إد ما قدرنا ...
 
احنا بنشكر ربنا اولا و اخيرا على نعمته و بركته و سندته لينا طول الوقت ..
و بنشكركم على محبتكم الكبيرة و رسايلكم المفرحة جداااا 
محبتكم دى أعظم هدية من ربنا لينا و هنفضل دايما شاكرينه على النعمة دى ..
 
احنا بدأنا تسجيل الألبوم السادس و السنة الجديدة
 هيكون إصدار الألبوم و هنعمل احتفالية ميلاد سنة ٢٠٢٣
 فى القاهرة و إسكندرية كمان لو ربنا إدانا العمر .