وجه الرئيس عبد الفتاح السيسي اليوم الأربعاء خلال افتتاح عدد من مشروعات بإطلاق منصة مصر الرقمية، وكذلك افتتاح عدد من المشروعات عبر الفيديو كونفرانس، مثل محطات انزال الكابلات البحرية في كل من رأس غارب، والزعفرانة، وسيدي كرير، فضلاً عن افتتاح مركز البيانات الدولي بالقاهرة، ومدارس المصرية للاتصالات للتكنولوجيا التطبيقية، ومراكز ابداع مصر الرقمية، وتطوير متحف البريد المصري.
ترصد خلال التقرير التالي أبرز رسائل الرئيس السيسي في فاعليات افتتاح عدد من المشروعات القومية ، ومنصة مصر الرقمية :
- كل سنة وأنتم طيبين على العيد.. الناس كتير تتكلم وتقول انتوا بتجيبوا الفلوس دي منين.. الحي الحكومي جايبينه منين.. والعاصمة جايبنها من أموال الحكومة.. بالنسبة للموارد مفيش الا الأفكار.
- احنا عاملين اليوم ده للمصريين والدولة المصرية علشان نلقى الضوء على أهمية الموضوع ده علشان مستقبل بلادنا وأولادنا.
- منصة مصر الرقمية معموله علشان كلنا ننتبه ونهتم ونبذل الجهد سواء التعليم أو المبادرات المطروحة أو حتى اللى ممكن يتعمل علشان ندى فرصة حقيقة للموضوع".
- المراكز الرقمية محصنة وتكلفة المبنى الواحد 10 مليارات جنيه لتوفير مكان لوضع فيه الخوادم الرئيسية
- علشان نخلي الحي الحكومي مميكن بشكل يوفر عمل متقدم جدا للدولة المصرية بنتكلم فى 100 مليار جنيه
- شركة العاصمة لديها كشف بنوك وائتمان محتمل بقيمة 40 مليار جنيه كاش ، فضلا عن مستحقات بقيمة 80 مليار جنيه
- البلاد بتفضل تبنى وتعمر في نفسها علشان تاخد مكانها وسط الأمم وده مبيجيش غير بالصبر والأفكار والتضحيات".
- اذا كنتم عاوزين تعملوا دولة ذات شان زى ما بتشوفوا في الدول المتقدمة، تشتغل ازاى الحكومة بتاعتها ..تقولها عنوان في برنامج إعلامي أو التليفزيون تقولها عنوان الحكومة الذكية، لكن علشان أعمل الحكومة الذكية تكلفني 100 مليار جنيه
- الدولة المصرية جادة في ملف التحول الرقمي
- شغالين دلوقتي بنعمل ذكاء صناعي يكون فيه جزء من العمل يكون فيه ذكاء صناعي
- علشان تعرفوا أنه لتحويل الدولة دي إلى دولة نقول عليها جمهورية جديدة.. ارقام كبيرة جدا جدا.. الحكومة دفعت كام .. الدكتور عمرو وزير الاتصالات فاكر الـ 10 مليار جنيه بتوعه بس
- شركة العاصمة ترغب بتأجير الحى الحكومى بـ4 مليارات جنيه سنويآ
- ثقافة التعليم اللى احنا ماشين بيها و مناهج التعليم محتاجة تطوير وتعديل
- كل هدفكم ان الأولاد يبقوا معاهم شهادات ، لكن التعليم مبيحققش المطلوب
- الدولة المصرية لا تملك ثروات اللى عندنا رمل ورخام وحجر جيرية
- رغيف الخبز بيتكلف 75-80 قرش واللى بيتباع بـ 5 قروش
- أنا بتكلم عن أهلي وناسي ، أتمنى أن اعمل لهم احلي حاجة في الدنيا، أي انسان مخلص في الحكومة وفى أي قطاع ، الدخول البسيطة مش هنقدر نعدلها إلا بعمل وعمل محترف
- الدكتور أحمد زويل قالى هجيب التبرعات ، جابلي 500 مليون جنيه ، وبعد كده تعب فى رحلة علاج وتوفي.. طب نسيب الجامعة مش تتعمل؟!.. هل سبناها ؟!.. والمرحلة الثانية 95 % خلصت وخلص مع الهيئة الهندسية 5%.. علشان نوري المصريين اللى بيتعمل في البلد دي
- اللى بيتعمل في مصر أمر غير مسبوق
- المصريين يشتركون في عمل "جمعيات" من أجل الإنفاق على الدروس الخصوصية
- ثقافة التعليم واهتمام الأسر تتغير علشان نعطى تعليم حقيقى.
