محرر الاقباط متحدون
موضوع " مريم وهيب ".. دليل قاطع أن 80? من البنات والسيدات اللي بيطلعلهم فيديوهات أنه بيكون بالإكراه
قال مينا مجدى ، المحامي والحقوقى ، عبرصفحته الرسمية على موقع التواصل الاجتماعي فيس بوك : " عندي سؤال .. كمحامي اشتغلت علي خدمة ملف الاختطاف القصري لفتره فعارف ، ومتأكد أن الأمن بيكون عنده كل المعلومات وكل الخطوات وخط السير ".
وتابع، السؤال بقي .. بما أن مريم رجعت بالسلامه ، فكده بياكد أن هناك جريمه خطف وتعذيب وترهيب علي ترك الدين .. مين بقي اللي هيتم اتهامه ؟
طب جابوها منين ؟ طب مين رتب ؟
واكمل ، طب المحامي اللي نزل الفيديو علي قناته علي اليوتيوب علاقته ايه وهو اول واحد ينشر الفيديو ؟!
وتابع ، طب بلاش مين هيحاسب علي نفسيتها بلاش ، مين هيقدر يشيل من ذهن طفلين عاشوا 8 أيام دموع ،وعاشو من غير امهم 8 أيام ، وعارفين أنها مخطوفه وعارفين كل التفاصيل .. مين هيرجع نفسيتهم تاني وحبهم للبلد تاني !!
واضاف ، موضوع مريم دليل قاطع أن 80? من البنات والسيدات اللي بيطلعلهم فيديوهات أنه بيكون بالإكراه ، مش بقول الكل لاني في اللي مشي لأسباب عاطفية ،
رغم أن ده كمان بيكون مخطط بس ما علينا ..
واكد ، أنا عارف اني مش هتلاقي اجابه ومفيش اي تفاصيل هتعلن ومريم وأسرتها واخدين تعليمات أن مفيش كلمه تطلع . الأهم حمد الله على سلامتك يا قويه ومبروك الشجاع زوجك اللي وثق فيكي وحارب عشانك
