محرر الأقباط متحدون'> الأقباط متحدون
رجعوا مريم وهيب لاسرتها .. مفيش عيد وفي أسرة مقهورة
مش مقتنعة بإسلامك يا مريم .. وانا عايزة اناظرك
كتبت ، نجلاء الامام ، المحامية والناشطة الحقوقية ، عبر صفحتها الرسمية على الفيس بوك ،عن أزمة اختفاء القبطية مريم وهيب ، وظهور فيديو لاسلمتها : " ازاي يعني نازله تشترى لوازم العيد ، ومعاها بنتها ، فجأه كده تختفي ، وتظهر مكتئبه ومقهورة ، لحقت امتي تروح الازهر ، وترتدى الحجاب ، ده المسلمات اللي مولودين مسلمات في مجتمع مسلم بياخدوا وقت في اقناعهم ، هو في ايه .!! "
وتابعت ، هو ليه الازهر معندوش جلسات استتابه ، وليه اتعطلت جلسات النصح والارشاد من الكنيسة ، ده عنف ضد المرأه ان تنتزع من حضن ابنائها واسرتها فين قانون لم الشمل .
واضافت ، رجعوا مريم وهيب لاسرتها ، عيب كده .. المسيحيين مش رهائن في بلدهم ، ايه الخسة والندالة دى !!
وتابعت ، مريم وهيب ترجع النهارده قبل بكره ، ويتحاكم كل من زور في شهادة اشهار اسلامها ، وتغيير بطاقتها ، انتفضوا لمدنيه الدولة ، واحترم الدستور ونص المادة ٢٠٠ من الدستور ، مش ممكن نقبل ان الارهابين ينتشروا بهذا الشكل .
وأكدت ، مفيش عيد وفي أسرة مقهورة .. ، اللي عايز يسلم او يعتنق اي ديانه من حقه ، المساواة في الظلم عدل ده لو حد اسمه غلط في حرف .
واضافت ، هو في ايه ، اللي عايز يشهر اسلامه هو حر طبعا ، بس يتعمله اختبار صغير ، في صلب العقيدة ، تعرفي ايه عن الاسلام ، والا تحولت القضية الي اسلمه بالاقهار ، ودى جريمه دوليه ليه .. لانه نوع من انواع التغيير العرقي ، هو ليه كل ما يهيج اولاد الافاعي الارهابيين اللي يدفع الثمن المسيحيين ده مش عدل .
وأكدت ، انها عملت بلاغ لنجدة الطفل لانقاذ الطفلة البرئية " جولي جوزيف "
وناشدت ، يلا اعملوا بلاغ لنجدة الطفله جولي ،ى بنت مريم وهيب ، اللي صراخها واضح في الفيديو اتصلوا برقم ١٦٠٠٠ نجده الطفل او عن طريق الواتساب ٠١١٠٢١٢١٦٠٠
